السلام عليكم
اهلين وسهلين
كيفكن بنات ؟
أتمنى الجميع بخير
انا مثلكن متعينه بالمجمعه
وماصبرت لحد مايجيني رساله
رحت امس " السبت " للمجمعه
حركت الساعه ست ونص ووصلت الساعه ثمان
اول شي رحنا لقسم النساء قالت لي وحده من الموظفات
معلمه والا اداريه ؟
قلت اداريه قالت للأسف ماوصلنا اي شي روحي لقسم الرجال
واذا جات معلمه ع طول يستقبلونها ويوجههونها لأن أوراقهم واصله للإداره
خذت بعضي وطلعت ورحنا ع قسم الرجال وقالوا مافيه شئ لسى عند مدير التعليم يوقعها
وماندري متى يخلص روحوا ع بيوتكم وبتجيكم رسايل ع جوالاتكم
عاد تخبرون حرام قومت صبح وطريق وبهذله وبالاخير نرجع كذا
المهم نشبنا فيهم من مكتب لمكتب وطحنا ع واحد ابن حلال افادنا وقال راح يجينا التوجيه خلال هالاسبوع
تابعوا جوالاتكم وبالنسبه للتعيين مو شرط الرغبه الأولى ع حسب قد يكون فيه ناس اعلى نقاط ومختارين نفس الرغبه
فعندك المجمعه نفسها وليست قراها تعين عدد قليل جدا جدا وكل اللي تعينوا من اهلها :)
قلنا حنا مانبي المجمعه حنا رغبتنا الاولى " تمير " قال ممكن قراها اما تمير نفسها مستحيل لأن اللي تعينوا فيها من اهلها
قلنا والحل .! قال تمير " اكتفت خلاص " مالكم الا ينظرون للرغبه الثانيه .. وش كانت رغبتكم الثانيه
قلنا سدير ؟ واخذ الاسم وقال فعلاً تعيينها طلع بسدير بس مآأقدر اقول لكم أكثر من كذا
وين بسدير بالضبط ... تابعواجوالاتكم ... ورجعنا ولازلنا نناتبع هالجوال
الله يفرجها من اوسع ابوابه
حابه اقول لكم شئ
تحركوا يابنات وقدموا معاريض وشكاوي واشتكوا ع الظلم اللي نتعرض له حالياً
الدعوه حوسه وفوضى جدآآآآآآآآآآآآآآآآآآ والشكاوي كثيره ع الوزاره
هذا مو كلام من راسي هذا كلام ناس راحت وتابعت الدوائر وشافت بعينها الفوضى والحوسه وكثرة المراجعين
يعني مايكفي انهم حطونا إداريات من بعد طول إنتظار لايقل عن عشر سنوات
ويقلعونا خارج مدنا !!! ليه طيب ؟
انا إداريه والاداريه ممكن تغطي منطقتها
مو معلمه يحتاجون لتخصص معين
مآأقول الا حسبي الله ونعم الوكيل ع كل من له يد في ظلمنا وتشتيتنا
ملاحظه / فيه بنات متعينات معنا بدفعتنا بس حديثات التخرج يعني عام 1432 وتعينوا بمدنهم :)
يالبيه يافيتامين وآآآآآآآآآآآو بس
مآلنآ غيرك ي الله
تجمع الاداريات المرشحات بالمجمعة حياكم
متابعة النقاش، صفحة 32