وصلت شغالتي ..ساعدوني

مشكورات حبيباتي نورتوني
بالنسبه بكم استقدمناها ما عندي فكره بسال وبردلك وراتبها 800 ريال
الله يساعدنا جميعا ويكفينا شر كل ذي شر

الله يعطييك خييييييييرها ويكفييك شرها

بالبدايه خليها ترتاح كم يوم بعد السفر

وخلال هاليومين علميها كل يوم تستحم وتنظف اسنانها وتهتم بنظافتها الشخصيه وطريقة اللبس المطلوبه منها

ولاحظي صلاتها اذا فيه شيء غلط او ماتنتبه للاوقات نبهيها وعلميها

بعدها ابدأئي معاها حبه حبه وكل يوم خصصي شغله علميها عليها وخليها تطبقها تحت اشرافك ولاتضغطين عليها لان كل شيء جديد عليها

اذا حسيتي انها اتقنت الشغل نظمي لها جدول تمشي عليه كل يوم ووقت مايكون عندك ضيوف خففي عنها بعض شغل البيت حتى ماتنضغط

المطبخ لا تدخلينها الا بعد ماتخلصين فحوصاتها الطبيه وتتأكدين من اهتمامها بنظافتها

وتعاملك معاها لا يميل للشده ولا للين الوسطيه حلوه وتريحك من وجع الراس

واطفالك علميهم يحترمونها ولا يرفعون صوتهم عليها واذا احتاجوا شيء يكون تواصلهم معاك انتي

عامليها بالحسنى ولا تنسيها بالعيد والمناسبات حتى لو بهدايا بسيطه

واذا جبتي اي شيء لاطفالك واهل بيتك حتى لو شوكليت لا تنسيها واحسبي حسابها

والله يعطيك خيرها ويكفيك شرها

الله يعطيكي خيرها ويكفيكي شررررررها


بس انبهي لعيالك وارحصي عليهم لايكلمونها ولايجي لسانهم على لسانها

لانهم اذا ضايقوها والله فيه بعضهم ينتقمووووون بللليز ديري بالك على عيالك

وش اليونيفورم