شاركي في النقاش

سجلي الدخول لإضافة تعليق.

التعليقات

43
  1. @ksymyh_okly_dlaa

    مهما كان هي حرمه كبيره والسن له احكام ..
    وكأي أم تتمنى ابنها يتزوج من بنات بلده خاصة الامهات القديمات..
    لذلك التمسي لهاالعذر ولاتدققي على كلامها ولاتساوين نفسك ببنتها .. 
  2. @hdooaaallyl

    المشاركة المقتبسة غير متاحة.

    رد مية مية ويستاهل التقييم :2thmup:
    شوفي ياقلبي يمكن أنا حاسة فيك لأني مريت بشكل مشابه لظروفك
    بس الحمدلله اللي يعز نفسه يعزه ربي
    وأم الزوج شرعا مش مجبورة فيك ولا أنتي مجبورة فيها لكن العرف أن الناس تحترم بعض وتقدرها
    وأم زوجك ماهمها لاعرف وعادات ولاتقاليد:icon8:
    وإذا عاتبتك على أنك ما تتصلي قولي لها والله كنت تعبانة عشان تسكت
    وخليكي زي ما أنتي زوريها كل شهر مرة ولا تطولين إلا إذا أولادك وألأنتي تنبسطون مع عماتكم
    فطولي ولايهمك كلامها وحاولي تتقربين للبنات إذا هم طيبات
    وحاسة أنهم في صفك
    أما غذا هم نفس تفكير الأم فنصيحة خليك رسمية معهم كلهم حتى أولادك لا يعمقون العلاقات معهم
    وشوفي سلفاتك الطيبة فيهم وبرضه خذي حذرك منهم ماتحكي شي معهم يخص أهل زوجك
    لأنه القلوب تتقلب بكرا يصير شي وتقلب عليك
    لأنه بصراحة صعب تلاقين صديق صادق في هذا الزمن
    فشوفي جاراتك أي وحدة من جماعتكم من طرف أهلك أو أقارب زوك من أبوه
    ونصيحة لاتجيبي طاري أهل زوجك لابخير ولابشر أبد ابد




    الحمد لله ربي أغناك وأعانك ومن توكل على الله كفاه
    وللمعلومية الحركة الخفيفة والشغل البسيط حتى الأطباء ينصحون فيه






    كلام الأخت عين العقل
    نصيحة طنشيها وخليها تحكي على حالها لأنه لو رديتي الأمور بتزيد سوء حتى لو كان ردك مجرد دفاع

    وراس ماله كلام يطير في الهوا لابيدها جنة ولا نار
    وبقولك قصة عن الناس كيف كل واحد يشوف حاله أحسن خلق الله
  3. @hdooaaallyl

    أبو صالح وأبو راشد
    ------------ -----

    أبو صالح جالس مع أبو راشد بعد صلاة العصر يسولفون ويقطعون الوقت...

    تنهد أبو صالح وقال: أفكر في هالدين العظيم اللي طلع من مكة المكرمة ووصل إلى آخر الدنيا!!!
    قال أبو راشد: إيه والله إنك صادق يا بو صالح...

    قال أبو صالح: بس لا يهمونك دين أهل آسيا الوسطى وأوربا والله مالهم من الإسلام إلا اسمه!
    رد أبو راشد: والله إنك صادق يا بوصالح

    وأضاف أبو صالح: ولا دين هالأشوام (أهل الشام) والله دينهم ما هوب اللي إنت تبي يا بو راشد
    فرد أبو راشد: والله إنك صادق يا بو صالح

    قال أبو صالح: والا هالأفارقه والمصاريه والسودانين متصوفه مبتدعه ما عندهم من الإسلام إلا المظهر
    قال أبو راشد: ايه والله يا بو صالح إنك صادق...

    قال أبو صالح: إن بغيت الإسلام في ها الديره (السعودية(
    قال أبو راشد: ايه والله إنك صادق يا بو صالح...

    فرد بتنهد أبو صالح: والله ماهوب دين كل أهل هالديره على اللي إنت تبي يا بو راشد؛ أهل الجنوب أهل بدع وزيدية وإسماعليية مالهم من الدين إلا اسمه
    قال أبو راشد: ايه والله إنك صادق يا بو صالح

    قال أبو صالح: والا أهل الشرقية رافضة وشيعة والله ما خذوا من الإسلام إلا اسمه، وأهل الحجاز مبتدعة صوفية ماهوب والله اللي إنت تبي يا بو راشد
    وأضاف أبو صالح: إن بغيت الدين والله في نجد والباقين خلهم على يسراك )شمالك(
    رد أبو راشد: والله إنك صادق يا أبو صالح...

    قال أبو صالح: والله بعد ماهوب كل أهل نجد دينهم على اللي إنت تبي! أهل الرياض واللي حولها شرابين للتتن )الدخان) ويشوفون الدش والله ما أدري
    عن دينهم يا أبو راشد!!! لكن لابغيت الإسلام تراه عندنا بالقصيم!!!
    رد أبو راشد: والله إنك صادق يا أبو صالح...

    فأضاف أبو صالح: والله ماهوب كل أهل القصيم دينهم على اللي إنت تبي، أهل عنيزة واللي حولها يبيعون التتن ويلبسون كبك والدشوش تملأ السطوح،
    إن بغيت الدين والله تراه في ذا عندنا ببريده
    رد أبو راشد: والله إنك صادق يا أبو صالح...

    وأضاف أبو صالح: والله ماهوب دين كل أهل بريده على اللي إنت تبي!!! طلعت هالاستراحات وما يندرى من اللي يشوف الدش ومن اللي مايشوفه
    إن بغيت الدين إنزل ترى في حارتنا هاذى!!!
    رد أبو راشد: والله إنك صادق يا أبو صالح...

    قال أبو صالح: والله بعد ماهوب كل أهل الحارة على اللي إنت تبي، أشوفهم يسحبون رجليهم للمسجد تقل إنهم مغصوبين على الصلاة...
    والله ما بوه في الحارة إلا أنا وإنت يا بو راشد!!!
    رد أبو راشد: والله إنك صادق يا أبو صالح...

    أضاف أبو صالح: والله إني أشوفك ماتخشع في الصلاة يا بو راشد!!!!!








    *********

    منقول




    شفتي كيف الشيطان يلعب في عقل الآدمي :(

تابعي تجارب أخرى من هذا القسم.