قولولي وش أسوي قبل لأتسرع وبعدين أندم....

السلام عليكم ورحمة الله وبركاته .. أخواتي الغاليات في منتدانا الغالي.. حبيت أعرض لكم مشكلتي وياليت اللي عندها رأي أو حل تقولي عليه..

أنا متزوجه وعندي ولد عمره خمس سنوات وساكنه في شقه بالدور العلوي عند أهل زوجي.. وشقتي كلها ثلاث غرف وصاله ومطبخ .. غرفه للشغاله وغرفه جلستنا وغرفه لنومنا.. وطبعا ولدي ينام معنا في الغرفه وشوفوا المآسى آخر الليل ..(تحرك .. قام..أخاف يصير قايم ويشوفنا) ومن هالسوالف..

وشقتي للأسف قديمه جدا وأثاثها قديم ولا أحاول أني أروح لزميلاتي علشان ماأضطر أني أعزمهم عندي..
أما الدور الأرضي والغرف اللي فوق لخالتي ماشاء الله رمموهن وصارن جديدات..
وحماتي كانت بالبيت بشقه مثلي وماشاء الله عليها زوجها طلعها بشقه برا وسيعه وتشرح الصدر..

وأنا زوجي وعدني أنه يطلعني ببيت لحالي قبل سنه ونص ورحنا ودورنا بيوت وفرحت فرحه ماتتخيلونها ولما أشوف بيت ويعجبني يطلع فيه عيوب لين نتركه .. وبالأخير هون عن الطله نهائيا وقال إذا طلعنا نطلع لبيت ملك.. مت ياحمار..
والحين ماأبي غير أنه يرمم لي البيت ويصير مثل بيت خالتي يشرح الخاطر.. وعلى فكره أنا مدرسه وقلتله أنا اللي أبي أزين أغلب الشي..وتراي ماعمري منيت عليه أوذكرته بشي أنا جبته بالعكس ...وهذاه يواعدني له أكثر من سنه وكل أجازه يقولي الأجازه الجايه .. والأجازه هذي واعدني طبعا أنه يزين الشقه لي ويرممها مع أنها أساسا ضيقه علينا بس وش أسوي شي أهون من لاشئ..
وهالحين أشوفه كل ماقلتله يالله نروح نختار سيراميك للشقه قام يتأفف ويقول والله يأنتي غثيثه ..
وأنا خلاص أحس أني كرهت حياتي من هالشقه اللي أنا فيها ومن الأوعاد اللي أنتظرها ولا تجي ..

وهالحين ماأدري وش أسوي أحيانا أقول أروح لأهلي وأقوله ماأرجع إلا بشقه جديده أو ترمم لي شقتي..
وأحيانا أقول أعقلي يامره وأركدي بلا هبال..
قلت أشاوركم وأشوف رايكم.. ولا تقولون أني سخيفه ومشكلتي مالها داعي.. والله لو تجربون شقه شينه وضيقه وكل اللي حولي غيروا حياتهم إلا أنا من سبع سنين مافيه أي تغيير.. وأنا مدرسه وأقدر أعيش بأحسن شقه... كان تحسون بالقهر....
أتمنى منكم الأهتمام والرد علي بسرعه لأني حاسه أني منكتمه ولا ني متحمله...

27 تعليق 2,750 مشاهدة

شاركي في النقاش

سجلي الدخول لإضافة تعليق.

التعليقات

25
  1. @bnt_alksym3

    صاحبة الموضوع
    أهلين أختي ست الحسن ومشكوره على ردك السريع..
    وكلامك ممكن يصلح لبعض الأزواج لكن زوجي للأسف ماينفع معه شي لي سنه ونص وأنا أزن وماآخذ غير التهزئ وشين النفس..
  2. @kthoktho

    انا معك يا اختي ان الوحده اذا ما قدرت تطلع من البيت على الاقل ترمم فيه وانا من رايي الرجال يكون كسول في هالمسائل خصوصا اذا قي شي اسمه تعديل انواع الزهق والاعذار عندهم انا بعطيك راي اتفقي مع زوجك انه تتحاططون في المبلغ وانتي روحي مع اخواتك او اخوانك واختاري اللي يعجبك وحطيه بالبيت واذا زوجك مب موافق انتي حطي اللي تقدرين عليه وصدقيني زوجك بيحس بالتغير وراح يكمل معاك ترميم البيت لمن بيشوفه مرتب وحلو واكيد بيخجل منك وبيشوفك مهتمه اكثر في البيت وبيتشوق عشان يكمله معاك وانتبهي يا اختي تزعلين من زوجك وتجيك هالافكار ما دام انكم مبسوطين مع بعض والله ما تسوى هالقصور والبيوت اهم شي الحب بينكم والموده يبقى هذا بحد ذاته كنز صعب الحصول عليه وتاكدي مثل ما انتي متضايقه اكيد هو بعد مثلك بس ما تدرين يمكن حاط في باله انه يطلع ويسكنك في بيت احلى من اللي عندك بس عليك بالصبر على زوجك واكيد راح تكبرين في نظره لانك استحملتي هالمكان علشانه وما دام هو ساكن فيه انتي قبلي فيه وذكريه ان اي مكان يكون هو فيه انتي راح تكونين معاه في الحلوه والمره ولا تضغطين عليه عليك بالكلام الحلو وخلي الباقي عليه والله يحقق لك اللي في بالك :)
  3. @ghzal_foshy

    المشاركة المقتبسة غير متاحة.

    المشكلة تكمن في نوم ولدكم معكم:eek:


    أتوقع ان زوجك رح يتفهم الموضوع اذا شرحتيله الأمور الي ممكن يحس فيها الطفل اذا شافكم:30:

    خاصة ان اتوقع من كلامك ان طفلك أكبر من 4 سنين!! يعني يستوعب:eek:


    أما بالنسبة للترميم انتي لاتزنين حيل لأن الرجال يعاندون:arb:

    حاولي انك تختارين الاوقات الزينه ومزاجة رايق وتطلبينه لكن بدون عقد مقارانات يعني لاتقولين شوف رجل اختي وشوف رجل صديقتي لان هذا يهز كبرياءه:22:


    ولاتتهورين وتطلعين من البيت:09:

    لاتخربين حياتك بنفسك:eek:

    وعليك بالدعاااااااااااااااااااااااااااااااااااااااااااااااااااااااااااء


    والله يسخرلك زوجك ياااااااااارب
  4. من حقك
    لكن كل شئ يجي بالتفاهم
    اتكلمي معاه وهو مروق وفاتحيه في الموضوع
    وعليك بالدعاء و الاستغفار
    كثير تفيد

    لكن مو سبب تتركين بيتك وش خليتي لناقصات العقل
    واذا ابوك قال ما عندي بنات يزعلن عندي ايش يكون موقفك وزوجك

    انا حاسة فيك لاني فكرت بكذا كثير
    لكن الحمد لله كل شئ يجي بالتفاهم و على حسب ما زوجك
    يجي عن طريق تقولين فلان و علان
    عن طريق اهله
    عن طريق تساهمين بجزء من الفلوس<<<<خليه اخر حل
    و على كذا انت ادرى بزوجك

    و الله ييسر لك امرك و تطلعين في بيت بروحك في اتم صحة وعافية

    و الله اعلم
  5. @styla_gyfnshy

    الله يعينك حاولي فيه ويارب انه يوافق
    وانتبهي لاتخلين ولدك ينام معاكم بالغرفه ترى الاطفال بهالعمر ماينسون
    مخهم وعيونهم تصور المناظر الي يشوفونها !! انتبهي ترى موب زين اذا الطفل شاف امه وابوه !!

تابعي تجارب أخرى من هذا القسم.