~ بنااات المدينة الموجهات لــ (( الحناكية )) هنا تجمعناااا ~

من في قرية صبحا كم كيلو وكيف المدرسة ردوا الله يسعدها اللي تعرف

بالنسبة لابتدائية ذارة انا شفتها اليوم ودخلت فيها
وما لقيت الا الخاله تقول المديرة وكل طاقم الادارة نقلوا
والى الان ما داومت المديرة الجديدة
لكن فيه مدرسات 3قبلي معينات جدد
وبعدي شفت معلمتين دخلوا
اما طريقها الى حد ما لابأس
لان فيه منعطفات قوية لكن المدرسة صغيرة جدا جدا
على ما اعتقد 5فصول ابتدائي او 6
و3فصول متوسط

شكرا جوهرا اتطمنت شويه لانه اتخيلت الوضع
حلو يكون عدد الطالبات قليل لكن حيكون تنوع في المناهج لانه لكل ماده حتكون مدرسه وحده ويتحط فوق راسها كل المناهج وتعب في التحضير
الحمدلله والشكر ع كل حال

السلام عليكم ورحمة الله
اهلين يابنات جايبتلكم اخبار من قلب الحدث :)
اليوم رحت مدرستي الابتدائية الثالثة في النخيل

حبدأ بالطريق
اول شي الطريق من المدينة للحناكية نفسها كان طريق حلو ماشاء الله كويس
بعدين دخلنا الحناكية و مشينا فيها وبدأنا طريق النخيل و الطريق جزء منه رايح جاي وجزء منه خطيين
ولما وصلنا النخيل مشينا فيها الين وصلنا مفرق يمين ويسار رحنا يسار وطلع غلط لكن لقيت فيه الابتدائية الثانية
ورجعنا ورحت يمين ولفلفنا كتير الين لقيت مدرستي الابتدائية الثالثة

و لقيتها مدرسة صغيرة مرة وهيا الابتدائية الثالثة و المتوسطة الثالثة مع بعض
ولقيت معلمتين في المدرسة اعتقد هما من الحناكية و حاطين ورقة عادية للتوقيع وكانو معلمات جو قبلي ووقعو عليها و انا وقعت كمان
وبعدين رحت مكتب الاشراف الي في الحناكية و اعطيتهم خطاب التوجيه ووقعت عليه الاستاذة المشرفة و اعطتني هوا و قالتلي انو خلاص الدوام يوم السبت نلتزم بالحضور في الوقت وكدا و قالت في مدرستي مافيها مديرة لأنها نقلت للمدينة و حيشوفو كيف حيختارولنا مديرة على يوم السبت ان شاء الله
و كمان سألتها لو مافي مديرة وجو معلمات فين يوقعو خطاب التوجيه قالت من عندها في مكتب الاشراف في الحناكية يعني بعد ما يداومو المعلمات في المدرسة يخرجو ويروحولها على المكتب

وبس و الله يسهل امرنا اه مرا شي محير يااارب اخترلنا الخير يااارب يااارب


و بالنسبة للتوصيل يا خوخة انا معاكي ان شاء الله بس شوفي كيف السواق وسيارتو و انا دحين حرسلك رقمي على الخاص عشان تقوليلي ايش سار معاكي
انا كمان جبت رقم سواق من حارس المدرسة حقتي لمن رحتها وبرضو خلينا نشوفو ونشوف سيارتو ويارب يخترلنا الخير