احس في مبالغه من بعض العضوات للزيوت والخلطات انتم مثلي؟/قديم

يحبيبتي ما يصير اللي تسوينه بشعععرك انتِ ترهقينه كذا وهذا السبب
منن كلامك واضح انك حاطه خلطات الدنيا فيه وهذا مو كويس حسب علمي
وفي بعض العضوات الله يصلحهم يخلطون زيوت مايصصلح تنخلط مع بعض لانها قويه ع الشعر

_
المفروض والصح والاضمن لك والنتائج الزينه
خليكككك من كل هالخلطات وعطي شعرك اسبوعين راحححه

شوفي وانا اختك
اذا جيتي تغسسلين شعرك لا تغسلينه بموية البزبوز او الخزان لانها مو زينه
اغسليه بمويه الصحه اللي بقوارير من البقاله او دبات المويه الكبار اللي تجي من فيحاء وفرح وهنا واللي زي كذا

وبعدين اختاري زيت واحد فققققط
وارشح زيت اللوز
واتعبي هالطريقة :
في وحده شغالتها هنديه وهذا برنامج شغالتها مع ان اكلها عادي وناقص فيتامينات

قبل النوم : استحمام وبعده تنشفين شعرك ويكون شوية مبلول وتدهنينه بالزيت وتنامين .. تقومين تمشطين شعرك بمشط اسنانه كبيره ومساج لشعر وتدهنينه بالزيت وانتِ تدهنين تسوين مساج بعدين تفرقين شعرك من النص وتسوين ظفيرتين غير مشدودتين عشان ماتقصف شعرك واخر اليوم تفكين الظفائر وتتروشين وتتركينه يتنفس

ومعلومه لا تحطين على شعرك زيت وهو وصخ تروشي اول بعدين حطي زيت
وارشح زيت اللوز الحلو للشعر من جديد

وهذه عنايه حلوه وسهله وراح تخلي شعرك كويس ان شاء الله وترجعه اجممل واذا تبين الموضوع حقت طريقة الهنديه بالتفصيل تفضلي : http://forum.hawaaworld.com/showthread.php?t=1371691

عسى اكون افدتك
ما ابي غير دعوه لي بالجمال والتوفيق والصديقات اللي يملون علي الدنيا

رفع

الزيوت القوية لما نخلطهم مع بعض ممكن تكون مركب يتفاعل مع الشعر ويحترق بدال لا يزيده او يكثفه ،،، الصراحه انا ماأحب الخلطات ولا اجازف فيها وشعري تعبان ومقصف ولا كو فايدة واذا بستخدم زيت يكون واحد واللي خرب شعرنا وتعبه لاتنسون الشاااابمو اهو اللي كله مواد كيماويه والافضل شامبو طبي والاكل الصحي والنفسية والوراثة تلعب دور وكل وحدة تختلف بطبيعة جسمها شلون نصدق خلطة تناسب الكل ؟؟؟!!!! وماشاء الله اللي تستشور شعرها دايم ولا تهتم فيه يطلع طويل وحلو اللي تحاتي شعرها ودايم مهتمه فيه اهو اللي يطيح ويتقصف !؟؟؟ يااارب ان شعرنا يتعدل ويزين يااارب

كل شعر ومطبيعة مثلا عندك انا عندي استعداد تام للخراب بس يتعدل الشي صعببببببببببببببببببب
ومع غيري ماشاء الله وهو مستعمل معي نفس الخلطة والطريقة والمده

والله انك صادقه
تجيك وحده لها مواضيع في
كل القسم عن خلطات لشعر
كريمات الشعر والزيوت
وفي لانهايه
تحصلينها تدور شي ينبت
شعرها وهي كل شوي تطلع لك خلطه
انا عن نفسي زمان قبل اكثر من سنه نص
استخدمت كذا حاجه وخاصه دابر املا
ما اقول شعري طال بشكل سحري لالالا
ولله حسن الشعره كثير ثم بدا يطوله
بس خلال بدايه الاستعمال اكتشفت انه كويس
اي وخلطه قريتها هنا في المنتدى في الارشيف وصرت
كل اشوي اكتب عنها لئنها فادتني والله بس الحين تركتها
عجازه وكسل الله يعين
فيها حنا وجرجير وبصله مبشوره وشوي قرفه في لاشعر
مرره رروعه مشاء الله تبارك الرحمن