صباح الخير
بنات تكفون أبيكم تشورون علي والله تعبت
أنا طالعه من نفاس قبل عشره ايام لما خلصت الأربعين مارحت لبيتي لان أهلي وأهل زوجي في ديره ووظيفة زوجي في الرياض لما جاء ثاني العيد قلت لزوجي خلنا نروح لبيتنا رفض قال أنا في أجازه وأبي استانس في الديره أنا سكتت ولما جاء رابع العيد رحنا لبيتنا وثاني يوم سافرنا نتمشى ولما رجعنا البيت قال بكره بروح لديره اكمل إجازتي فيها أنا رفضت بحكم ان تونا جايين من السفر قبل يوم وقلت نجلس في بيتنا كم يوم بعدين نروح ورفض المهم أنا لما شفت انه يبي يروح قلت ماعليه خلاص نروح المهم أهلي جاهم خبر أني بجي الديره اتصلت علي أختي الكبيرة وقالت لي وش يجيبكم وانتي توك جايه من سفر وما مداكم تجلسون في بيتكم وأهله والناس بيتكلمون قلت لها أني قلت له ورفض وأختي حيرتي كل شوي متصله علي تقول لاتجين وش تبين الناس يقولون انها توها طالعه من نفاس ولاجلست في بيتها
وقلت لزوجي وقال وش علي من الناس أنا بروح استانس باجازتي ولاعلي من احد
وش رأيكم بنات أختي كلامها صحيح والا لا والله أني مزاعله زوجي عشان هالسالفه.
شاركي في النقاش
سجلي الدخول لإضافة تعليق.
التعليقات
15- والله مادري
بس كل الرجال كذا يبغون وناستهم ومايهمهم احد
طيب دامك سافرتي معاه وقضيتي فتره بعد النفاس خلاص ليش يتكلمون الناس اهم شي سعادتك
وبعدين اذا رحتي للديره صيري عند زوجك في بيت اهله يعني كذا مافارقتيه
الله يهدي سركم يارب - روحي وارضي براي زوجك وانبسطي ما عليكي من الناس بكرى يبداء دوامه وتطفشين
- روحي معاه حبيبتي مافيها شي دام عديتي فتره من النفاس هو حاطها براسه رايح رايح لا تجيبي لنفسك مشاكل توكلي على الله وروحي وانبسطي وماعليك من كلام الناس
- لبى روحك مشكوره على الرد بس أنا ما قدر أجي عند أهله مالي غرفه عندهم أنا عند أهلي وهو عند أهله والعصر او العشا يمرني نطلع سوا
(( دلوعة حياتي )) روحي وارضي براي زوجك وانبسطي ما عليكي من الناس بكرى يبداء دوامه وتطفشين
مشكوره على الرد الله يريحك في الدارين ويحقق مرادك:)
مواضيع مشابهة
تابعي تجارب أخرى من هذا القسم.