شاركي في النقاش

سجلي الدخول لإضافة تعليق.

التعليقات

15

  1. @roz_52

    أغراض المطبخ في كراتين وتحطي جرايد بين كل طبقة من الكاسات والصيني وتقفلي الكرتون بلصقة وتكتبي عليه مطبخ وهم ينقلون يحطون كل كرتون في مكانه اللي للمطبخ وغرفة النوم والمجلس والملابس في شنط السفر

  2. @nsm_hoaaa_83

    حاولي ان زوجك يجيب شركة نقل با 2000 والله راحة لك وله يفكون ويركبون وهو مرتح
    اما الحاجات الخصوصيه الافضل انك انتي تسوينها

  3. @shhlaaa_alaayon

    المطبخ كراتين ويكون معا حرايد للاشياء اللي تتكسر واكتبي تحذير قابله للكسر واكتبي مطبخ
    اما غرف النوم والله طريقتي سهله ومريحه ولو انها غريبه جبت اكياس سوداء حقت الزباله الله يكرمك واحط فيه الملابس المعلقه بالمعاليق ،، وملابس البيت والاغراض بالغرفه بكراتين كبارواكتبي غرفه نوم
    اهاه ذكرتيني النقل يانا تنقلت كثير قبل لكن الحمد لله الان استقريت

  4. @khokh_omanko

    زي ماقالوا الاخوات..

    وراح اعطيكخطوات من تجربتي في التنقلات المتعدده لدرجه كرهت ام النقل والشغل..

    اول شي استعيني بالله ورددي طوال ما انتي تشتغلين :لاحول ولاقوة الا بالله..لها مفعول السحر..يتيسر شغلك بشكل عجيب

    ثانيا..حددي..اول شي ابدا بكذا..مثلا ..اول شي المطبخ بعدين غرفة النو وهكذا حسب الاولوية وخذي كراتين كثييييييير وقلم خطاط بتحتاجينها وعلى كل كرتونة اكتبي مكانها ومحتواه.. مثلا..مطبخ-كاسات...غرفة نوم 1-اكسسوارات.. وهكذا

    ثالثا..خذيها غرفه غرفة لحد ماتنجزينها..اذا انتي بالرياض او منطقة حارة خلي شغلك بالليل وقت البراد..تنجزين اكثر..

    ولاتنسين اللي قالوا لك..حطي جرايد بين القزاز والكاسات وكذا..

    ملابسك حطيها بشنطه كبيرة بعلاقاتها او بكيس زباله(كيسين جوا بعض عشان ماتتشقق).. لماتجين تفكينها ع طول عالدولاب..
    اهم شي لاتخبصين الاغراض عشان لما تجين تفكينها تفكينها غرفة غرفة على مهل وبنظام وتوفرين وقتك وجهدك..

    ويارب يارب تتيسر امورك وينفرج همك..

    لاتنسين الدعاء بعد الصلوات بالتيسير..والاستغفار طوال ما انتي تشتغلين..

    ولاتنسيني من دعاءك..ادعي لي بالشفاء الله يسعدك..

  5. @lola_alskaf

    الله يسهل امرك اهم شي التنظيم وترتيب الاولويات يعني الاصعب فالاسهل وفي بعض الامور راح تساعدك باذن الله:

    -اشتري كمية كبيرة من كراتين البيض تلاقيها عند محلات بيع البيض الطازج راح تساليني ليش كراتين البيض بالذات اقولك لانها كبييرة وسميكة ما تتشقق عليك اثناء النقل والكرتون يبيعوه بريال خذي مبدايا 40 كرتون

    - جهزي كمية من الجرايد بس اني افضل انت تجيبي لفة ورق من عند محلات البوية افضل عشان لفظ الجلاله وكمان تكون سميكة

    - جيبي من محلات البويه لفة نايلون سميك لتفليف الاثاث عشان لا يتجرح ويتخدش اثناء النقل تلاقي اللفة ب20 ريال

    - جهزي اقلام فلوماستر وشطرطون من نوعية ممتازة عشان ما يفك من الحراررة

    - ابداي بغرف الضيوف والغرف الي ما تستخدميها غليفي كل محتوياتها وفضي غرفة تماما وخلي فيها كراتين النقل وكل غرفة تغلفي اغراضها اكتبي على كراتينها محتويات الكرتون وفي اي مكان يوضع مثلا (غرفة التلفزيون اغراض التلفزيون والريسيفر والريموتات ) وبكذ ترتاحي لمن توصلي بيتك الجديد بسلامة وتفكي العفش

    - خلي المطبخ بيوم لحاله لانو يحتاج تنظيم ووقت طويل استعيني بالله وخليك بالاستغفار ورتبي المواعين والاجهزة الكهربائية مع مراعات التخلص من كل المواعين التالفة او عديمة الفائدة خلي جمبك كرتون للجمعية الخيرية كل لاقيتي شي مو مستخدم او طقم ناقص ومكسر او عديم الفائدة تخلصي منو لانو غيرك يحتاجه وشطبي المطبخ تماما لا تخلي ولا شي ابدا وحتى المواد الغذائية حاولي انك تستهلكيها لانو نقلها يهدر وقت ووجهد على الفاضي المهم خالي المطبخ فاضي تماما وراح تحسي بانجاز عظيم لان المطبخ اصعب شي بالنقل ولا تحاولي تفتحي اي كرتون قفلتيه ابدا خلاص بس خلصت من المطبخ خلي اكلكم من برى واستخدمو صحون وكاسات وملاعق بلاستك

    - غرفة النوم نفس الشي فضي الاغراض بكراتين والملابس بشنط واما اللحف والمخدات والملابس المطبقة فجيبي من اكياس الضغط باحجام تناسب اغراضك لانها تقلص حجم الاشياء بشكل كبير وتوفر مساحة كبيرة وارجع اركز على نقطة التخلص من الملابس القديمة والغير مستخدمة والقرابيع والخردوات الي مالها لزمة صدقيني راح تنصدمي من كمية الاشياء الزايدة الي راح تتخلصي منها كمية مهووووولة


    - اغسلي الحمامات وفضي اشياءكم مها وقفليها وخلي حمام واحد لاستخدامكم وانت بكرامة

    - خلي مكان واحد لمعيشتكم وباقي الغرف نظيفة ومقفلة

    - روحي بيتك الجديد قبل العفش ونظفي الشبابيك وخلهم يركبو المكيفات ومسحي الجدران والابواب واغسلي الارضيات وافرشيها من النايلون الكبيييير الي من محلات البوية ولصقي اطرافة بشطرطون عشان ما يتنزع بسهولة اثناء وضع العفش واغسلي الحمامات والمطبخ وكل شي راح يستغرق منك هادا الشغل يوم كامل بس راح ترتاحي بعدين وتدعيلي



    - خليهم يجيبو العفش ويحطو كل كرتون في الغرفة المخصصة ليه عشان ما تحوسي ويركبو الاثاث بس خلصو امسحي الاثاث وابداءي فكي الكراتين ورتبي محتوياتها في اماكنها المخصصة وتخلصي من النايلون المفروش بالارض وراح تشوفي الغرفة نظيفة ومرتبة باقل مجهود ممكن

    -المطبخ ركزي على تنظيف كل الدواليب من الداخل والخارج وامسحي الشفاط والشباك وكل شي يحتاج منك تنظيف وتعقيم وبعدين فكي الكراتين ورتبيها في اماكنها بكل سهولة

    الله يعينك ويسهل عليك وصدقيني بتنظيم الوقت والجهد راح تطلعي بنتيجة مرة حلوة ومارح تاخذي وقت طويل يعني 4ايام تكوني مخلصة كل بيتك الاولي وبعد ما توصلي بيتك الثاني اسبوع بالكثير انت مخلصة كل شغلك وبيتك يلمع ومرتاحة نفسيا
    وعلى فكرة النقل فرصة مرة حلوة للتخلص من القرابيع والاشياء عديمة الفايدة الزايدة عن حاجتك منجد راح تنصدمي من كثرها وراح ترتاحي بالتخلص منها

    ومنزل مبارك وسعيد مقدما