شاركي في النقاش

سجلي الدخول لإضافة تعليق.

التعليقات

52
  1. @nouf_ahmad

    أنا أتنفس أول أسبوعين عند أمي بعدها أرجع لبيتي



    أولاً الفطور

    أسلقي بيض ضروري النفساء تأكل بيضتين يومياً و الأفضل مسلوق لكن إذا معك سكر خليها بيضه وحده

    وخبز بر مع حواضر

    و سوي لك حليب طازج سخنيه و بعد ما يسخن حطي عليه عسل و قرفه وفلفل أسود

    الفطور سهل و ما يتعب

    و اللي تقدرين تفرزينه للفطور المصابيب

    سوي كميه من مصابيب البر لأنها جداً مغذيه و مفيده لك في النفاس فرزي حق كل يوم بعلبه لحاله علشان ما

    تضطري ترجعيها للفريز مره ثانيه

    طريقتي بالمصابيب

    كأس حليب طازج رشة ملح و ربع كأس مويه و تحطي الطحين البر لين تصير عندك عجينه لينه

    بعد ما تسويها كلها بصاجة المصابيب فرزيها و لما تطلعينها دفيها بالفرن أو بالمكرويف و حطي عليها عسل و سمن


    الغداء عندك خيارات كثيره

    و أهمها المطازيز

    طريقة تفريزه سوي العجينه طحين بر رشة ملح مويه

    و خليها عجينه قاسيه شوي بعدين أتركيها ترتاح مدة ساعها بعدها جزئي العجينه كور صغيره بالحجم اللي يناسبك

    بعدي تحتاجين صاجه خاصه للمطازيز حطي كور العجين و أضغطي عليها شوي بصاجة المطازيز و أجمعيها

    حطي بكل علبه كميه تكفيك ليوم واحد

    طبعاً ضروري تجيبين لحم و دجاج قبل

    و تسوين كشنه و تفرزينها

    و إذا جيتي تسوين مطازيز و الأفضل يكون غدا طلعي كيس من الكشنه مع اللحم و بالقدر على طول

    حطي عليها مويه و صلصة طماطم و بهارات و ملح و خليها تطبخ تقريباً نص ساعه بعدين نزلي

    المطازيز على اللحم و حطي شوي زيت أو سمن و شوي فلفل أسود و إذا تحبين تحطين قرنين فلفل حار و ممكن كمان

    كم نوع من الخضار و كمان الفقع و بس مره سهل و مغذي و ما يتعب


    ومن خيارات العشاء الشوربه وهي كمان جداً ضروريه و خفيفه للعشاء

    جيبي كميه منوعه من الخضار أسلقيها و أطحنيها و فرزيها بأكياس نايلون

    و إذا جيتي تسوينها بس نزلي الخضار بالقدر حطي عليها شوي مويه و لحم أو دجاج و النكهات اللي تبغينه

    من البهارات وكمان ممكن تضيفي عليها مره شوفان و مره عدس و مره جريش اللي تحبين

    و بالنسبه للتمر جيبي تمر معجون و أعجني معه حلبه مطحونه طحن ناعم جداً و كوريها كور صغيره

    و فرزي كل كميه ليوم واحد بعلبه أو كيس و لما تطلعينها من الفريز سخنيها بالفرن أو بالمكرويف مع ملعقة سمنه

    و شوي رشاد حب وشوي فلفل أسود و تقهوي عليها




    أهم حاجه تأكلي أكل يغذيك مثل اللحم والدجاج و البيض و الحليب و الخضار و الفواكه و أهمها التمر

    و أشربي مويه و سوائل كثير علشان راح تتعرقين كثير و تفقدين سوائل كثيره من جسمك لو ما عوضتي السوائل راح

    تتعب عضلاتك و تحسي أنك مرهقه و هزيله

    و أنصحك بهالمشروب جداً فادني في نفاسي و وقت الدوره

    قشر قهوه
    كمون
    يانسون
    شمر
    نانخه
    زعتر بري


    أخلطيها مع بعض بكميات متساويه من غير طحن وكل يوم سوي لك ترمس منه و حليه بعسل أو سكر

    راح يطلع منك كل الوسخ اللي برحمك و راح تطهرين و أنتي تحسين بنظافه تامه وغير هذا ينحف و يشد الكرش

    لي شهرين والده لحد الأن أشربه أسويه لي كل يوم نحفت 20 كيلو و بطني مررررره صغر مع أنه هذا مولودي

    الرابع الله يخليه لي لكن لأول مره أحس بطني فعلاً صغر عن قبل و لما كنت عند أهلي أول أسبوعين كانت أمي

    و أخواتي يشربونه معي مررررره نحفو عليه




    أتمنى إني أفدتك

    و الله يسهل عليك و يفرج كربتك
  2. @mlath_altyr22

    الله يساعدك ويسهل عليك يارب
    اذا بتولدين طبيعي خلي زوجك ياخذ اقل شي اسبوع علشان
    يساعدك اقل شي بالعيال الاكل انصحك الصباح حليب وتمر
    وحضري جبن وبيض سهل ومفيد جهزي خلطاتك قبل ماتولدين
    والغداء سليق لحم مايتعب واشربي من المرق والعشاء زوجك يجيب من برا اقل شي الاسبوع الاول وخلي عندك دائما ليب ومعمول وفاكهه زي ماقالت الاخت الي قبل وتري الكلات الشعبيه كلها دقيق ونشويات مامن كثرتها الا الامساك
    والله يهونها

تابعي تجارب أخرى من هذا القسم.