شاركي في النقاش

سجلي الدخول لإضافة تعليق.

التعليقات

174
  1. @alogdan2000

    الله بسعدك جيتي في وقتك لاني محتاره في التاثيث ماني عارفه كيف ابدا ابغى تاثيث غرف نوم بنات واولاد وصالة معيشه
    ومجالس ومشكوره طولت عليك
  2. السلام عليكم مشكوره حبي ع المساعده والله يكتبه في موازين حسناتك يارب
    ابغى استشيرك عندي اثنيين مجالس وصاله بغيرها من بويا واثاث وغيره ياليت تقولي لي ايش الالون المناسبه ومتناسقه وهي موللعيله جهة الضيوف ابغى الوان متناسقه وبعيده ع البني لانه اول كان كلها بني
    اه وش كمان عندي في المجالس جبسيات ابغى تقولين كيف الونها
    وياليت تكون مودرن
    وجزاك الله خييير
  3. @fyolyt

    صاحبة الموضوع
    مرحبا اختى راحيل القلوب
    بخصوص شقتك انا اقترح انك تحطين بالارضية جارنيت دبل كريستال لون بيج فاااااااتح مع مشحات لون كراميل خفيف لانه مع الااضاءة راح تعطي فخامة وكبر للشقة
    وهذا افتراحي لتوزيع الاثاث

    اللون الاصفر تفصلين خزانة وتكون نفس لون خشب غرفة النوم ( حاولي الحمام يكون بلون محايد يعني بيج مع بني او سكري او ابيض ) علشان تقدرين تلعبين بالاكسساورات الخاصة بالحمام بحيث يربط لون غرفة النوم مع لون الحمام عزك الله
    واللون الوردي اللي قدام الباب هذا يكون مدخل ( المدخل يكون على يمينه ويساره مسافة متر او نص متر فراغ متساوي )
    مثال

    اللون الوردي اللي داخل اقتراحي لتوزيع الكنب لاستغلال المساحة والمربعات الاحمر طاولات جانبية للكنب , حطي عليهم اباجورات تكون اطول بشوي من ظهر الكنب وحطي تحتهم اكسسوارات او ورد يكونون اقصر بشوي من نص الابجوره علشان لا فتحتي الاضاءة تكون مسقط النور عليها حلو .
    الازرق الغامق طاولة الطعام والازرق الفتاح بوفيه الاكل
    السقف لا تتكلفون فيه حيل يكون ناعم سبون لايت مع اضاءة داخليه مثال

    تقدرين تحطين ثريا عريضه ناحية الكنب لا تحطين ضيقه وطويلة راح تصغر الصالة ومن ناحية طاول الطعام لو تحطين ثلاث ثريات طوال تكون مقاربة لشكل الثريا الصالة لو بشكل خفيف
    ناحية التلفزيون استغليها كلها يا تحطين ورق جدران اي لون بخاطرك يكون مقارب للون الكنب والارضية او تحطين حجر اردني او انا رسمتلك ديكور تفصلينه

    اللي تحت التلفزيون كبت يمين باب قزاز واليسار مفتوح واللي تحت شباك المطبخ يكونون مثل الكبت مسكر وداخله رفوف تقدرين تحطين اكسسوار عليه
    لاحظي الاضاءة اللي فوق سبوت لايت فوق رفوف القزاز يمين ويسار التلفزيون وفوق شباك المطبخ
    او
    مثل هذا تفصلين

    حاولي الشقة كلها نفس الجرانيت غرفتك وغرف البنات علشان توسع الشقة والمطبخ حطي لون بني غامق مع رخام اغمق بدرجتين من الجرانيت
    تحياتي
  4. @fyolyt

    صاحبة الموضوع
    بخصوص الكنب اقترح



    مع اضافة كوشيات بنفسجية مدرجات الوانها مع عنابي
  5. @fyolyt

    صاحبة الموضوع
    هلا اختي بنت الخير
    بخصوص التعتيق انسي موضوعه صار قديم
    نصيحه لكل وحده اذا كان الاثاث والارضيه ملونه الجدار لازم يكون فاتح وساده على الاقل ثلاث جدران الغرفة علشان لا يطلع حوسه واقتراحي انه السراير تكون قدام الباب بالجدار اللي وراهم حطي ورق جدران او اصبغي مقلم لون السماوي والازرق الغامق والكحلي مع لون اصفر كركمي غامق مع تقليمه ضعيييييييفه احمر او برتقالي غامق ,,, التقليمات تكون مو متساوية بعرضها , وديباج السراير ماخذه من هالالوان
    تحياتي

تابعي تجارب أخرى من هذا القسم.