مشكلتي هي اني متزوجة وزوجي الله يسامحه مشكل عائق امام طموحي ورغباتي ويقول نص قرار الوظيفة راجع لي
وافق على اني ادرس دبلوم انجليزي بالجامعة بعدين تراجع وقال غالي ،، والحين بموت من القهر لما عرفت انه منحه ومجاني بس دراستهم مسائي ومستحيل يسمح بهالشي!
وافق على البعثة بعدين هون
بنوك مايبي
شركات مايبي
لقيت وظيفة بمعهد بعيد شوي عيا وقال مايسوى الراتب << طيب انا ابي خبرة ،، ابي اجرب،، ابي املى وقتي واملى فكري بدال هالهموم اللي راكبتني
يبيني اتوظف بجامعة الامام عشان اوقات عملهم تناسبه وقريبة مننا
بس معدلي مايسمح لي اتوظف عندهم
ودراستي ادارة يعني مجالاتها ادارية اغلب شي
لو اني داريه ان هذا وضعي كان تسدحت وتبطحت وجبت مقبول احسن لي
بالله وش اسوي ووين اقدم
لا تقولون لي توك وتوك ،، ادري اني توني متخرجة بس المفروض اني متخرجة قبل 3 سنوات يعني راحت علي كم سنة وغير كذا الفرص ماتجي الا مرة وحدة ،، وهدفي الاول من الوظيفة اني اشغل وقتي
شورو علي
شاركي في النقاش
سجلي الدخول لإضافة تعليق.
التعليقات
10- الله يعين نفس المشكله الي مرت علي من سنين الى صالي 18 سنه بلا وضيفه سليفتي على طول دورت لها وضيفه وتركت بناتها عند ام زوجها وهم اصغار والله اذا با طاوعينه بشيب راسج يبون بس اتحكمون الله المستعان
- استغفروا ربكم إنه كان غفاراً يرسل السماء عليكم مدراراً ويمددكم بأموال وبنين ويجعل لكم جنات ويجعل لكم أنهاراً
- والله حتى انا الله يعين بس
الله يعافيك وشهي الوظائف اللي بجامعة الأمام - لو تعرفين قصتي تعرفين معنى التقفيل الحقيقي
شكيت ومحد نغعني لاحافز ولاجداره والعمر راح
يعلم الله اني بحاجه الميه قبل الالف - يااااااااااب افرجها علينا
ضاقت بنا الأرض ولن يفرجها علينا أحدا سواك
ياااااارب ارزقنا الوظايف الي تفرح قلوبنا يااااااااااكريييييييييم
مواضيع مشابهة
تابعي تجارب أخرى من هذا القسم.