ملتقى حواء لبناء بيت الأحلام/إكتفى بالردود

هلا بك خيتو ربي يسعدك

بالنسبه للتجاويف تكون مع البناء من الاساس حتي يزيدون في مقاس الميده لان راح يزيد طوبه او ثنتين على قدام يكون جدار هذا الجدار هو اللي راح يرجعون يكسرون فيه التجويف وهو الافضل بكثير من الجبس للي مالحقوا يبنون جدار يمديهم على الجبس

والله يعينك ياعسل لا تشيلين هم والله مافي شي يستاهل الوحده تخسر صحتها عشانه اضحكي لدنيا تضحك لك وقولي الله يكتب لي اللي فيه الخير وينزلك منزلا طيبا وكل شي ملحوق عليه الدنيا ما خلقت في ساعه


اختي احاسيس ورديه فكرة الشبابيك حلوه اللي تجي طويله ونوعا ما سخيفه بس ما يكفي واحد اكيد 2 الى 3 شبابيك متقاربه من بعض بس قبل تطبقينها ابحثي عن شكل الستائر اللي تناسبها وادرسيها تمام

عني مسجلتها كفكره ثابته ان شاء الله تعجبني كديكور واضاءه بس لسى ما تعمقت في البحث عنها ولا تاكدت من المقاسات لانها تعتمد على طول السقف ونزول الجبس وحجم الغرفه عموما موفقه يارب





اختي كل الامل بنتي اللي اعرفه ارتداد الواجهه 4 متر والجار 2 متر وتاكدي لانها معلومه عندي مو متاكده منها و زوجك يروح البلديه يسال افضل

ايوه ادري انهم يشترطون
بس اقصد هل يختلف الوضع اذا كانت الارض علي ثلاث شوارع؟؟يعني يطلبون ارتدادات كبيرة عالشوارع غير عن جهة الجار

بيت العمر انا مثلك

مرحلة المخطط وزوجي جابلي مخطط شين ماعجبني ابد والمشكله كان بيعتمده بدون شوري

المشكله لسه ماعرف اعداد الاسرة يعني انا الحين حامل وبكرية واكيد بحول الله وقوته بجيب غيرهم بس ماادري بنات اولاد الخ وهالشئ محيرني يعني احيانا اقول يمكن اجيب 4 بنات وولد , احشر هالبنات بغرفه والولد يتبحبح بغرفه ؟ ولا اقول العكس احس اني حايرة وضايعه مررررررررررررررررره شايله هم , الواحد موب كل مره عنده بيت

احب التخطيط يكون المجلس وغرفه الطعام مع حمام و مغاسل معزوله عشان باقي البيت ياخذ راحته و لا ينحكرون بمكان عشان الضيوف , والباقي كله مفتوح وشرح ماعدا المطبخ طبعا مسكر عشان الريحة و حوسته والخدامه ماتقعد برج مراقبه


ستميه الف فكره براسي و المخططات اللي ناخذها كلها لمساحات اكبر من ارضنا مالقيت مخططات لمساحات صغيرة الا اجنبية وهذه ماتناسبنا , مرررررررررررررررررررررررررررررررررررررررررررررررره متعب المخطط وتوزيع المساحات لانه مايتغير غير الديكور والتشطيب اللي ممكن يتعدل ويتصلح وتشوفينه على الطبيعه مثلا بالصور غير المخطط اللي لازم اتخيله وااتخيل شكله خصوصا اني مااعرف اقدر المساحات يعني لمن يقولي غرفه 4 في 4 للنوم احسها نتفه بس شفت ببيت اختي غرفه بنتها نفس الحجم كانت معقوله


احس اني فضفضت لين صدعت روسكم بس من حر مافيني

السلام عليكم ورحمة الله وبركاته نزلت موضوع اريد مخططات بس البنات شكلهم مشغولين اريد مسا عتكم وجدت مخطط بنزله
طبعنا المخطط فله والخلف شقق

لكم من النت عجبني بس ياليت تشوفوة فيه تعديل او لا ابغاكم تساعدوني ابغاء المطبخ الاساسي في الدور العلوي تحت المطبخ تحضيري تعبت ابحث ما وجدت اريد فزعتكم معي شاب راسنا من كثر ما نغير كل شوي انتظركم يا غاليات الي عنده فكرة لا تبخل علي الله يوفق الجميع بنزل مخطط ا الثاني اريد يكون المطبخ الاساسي فوق ساعدوني كيف احطة الدور العلوي



وهذا مخطط الدورر الاول اذا فيه تعديل انتظركم








هذا مخطط الدور العلوي اريد المطبخ الاساسي فيه كيف ممكن وضعه





وهذا مساحة الارض الاطوال






انتظركم يا غاليات اي اقتراح او تعديل جزاكم الله خير