مشكلتي .... هل تساعدوني في حلها ؟

هذي بنتك وانتي احق الناس بتسميتها بس غاليه ماهو بعيد عن عاليه لاتخلين المسأله عناد واذا مو عاجبك الاسم غيري حتى عاليه وسمي اسم ثاني .

يششششششششششششين العجوز الي تدخل في اسامي عيال ولدها خلاص هي خلفت وسمت تخلي الدور على غيرها
بموت من القهر تقريبا مشاكلي مع حمولتي من هالباب
بس ماعلي منهم اسمي اعيالي الي ابي
والي يزعل يزعل والي يرضى يرضى الحمدالله ماسويت شي حرام
تزعل يوم شهر بكيفها اسماء عيالي انا بربيهم وبعد تنطق روحي من اساميهم لااااا
والله يابنات مره كنت بترك زوجي بسبة اسم والحمدالله ربي عارف بنيتي
واقنعت زوجي انه انا الي احمل واشوف الموت لين اولد وانا الي بربي وانتو تسموون وش قدر الام عندكم
بعدها قفلنا على مشكلة الاسامي لين اخر بزرهي ام زوجي تتصل فيني تطلبني الاسم ماعطيتها وجه
وربي يشهد اني اعزها واحترمها ومابينا مشاكل الا سالفة الاسامي

لاتصيرين حساسه لهذا الموضوع ,, واسم بنتك مكتوب في جبينها ,, قولي يارب تسهل علي الولادة وتحسن خلقها وخلقها
والله اصطناع مشاكل على شان اسم احسه ماهو مجدي
والله بعد اسم غاليه افضل بالف مررررررة من اسم عاليه
وحكمي عقلك ومهما كان هذي امه والكبار عقولهم صغيره وكل شيء يحس في خاطرهم ؟,؟,

شكرا أخواتي على الردود والتفاعل ...

قد تكون المشكلة سهلة عند البعض بس الواقع هي صعبة ...

ولا اريد تسمية صغيرتي باسم ام زوجي وهذا الموضوع محسوم بالنسبة لدي

عند طرح مشكلتي كنت اطمح في الحصول على طريقة للحصول على ما اريد بدون زعل الطرفين ...

ما راح اسميها لا عالية ولا غالية بس لكن كيف اخبرهم بأني لن اسميها بهذا الاسم

انتظر ردود الباقين

حبيبتي .... سموها عاليه ..... و جدام ام زوجج نادوها غاليه

و الله يكون في عونج