الملف السادس لبنات المدينة عن المستشفيات والاطباء ملف تفاعلي :)

هلا بك نجمة السلطان انا ان شاءالله راح اولد في احد لاني مرييت بتعب وفتحت ملف عندهم وارتحت وحالتي يراجعها استشاري اسمه عبدالمنعم مره يمدحوونه ..... الله يسهههل يارب

البراءه الله يسعدك ويرييحك
وحمدالله على سلامتك
ان شالله ناويه اولد في الدار وانتي مره ريحتيني

حبني او حب غيري
الله يسهللك يارب وييسرلك الولاده فين ماكانت

السلام عليكم كيفكم يابنات ايش الاخبار وكيف البيبي ..

انا دحين في التاسع .. وحالتي النفسيه زففففففت استغفر الله .. مررره تعباااانه ابغى اولد كل مايجيني ألم اقول خلاص شكلي بولد وفجأه يختفي

دحين بسأل الامهات ..

عندي ألاام في الحوض واسفل ظهري والمنطقه السفليه .. حتى النوم سار بتعب واحس عظامي تألمني مرررره ..

ايش هدا؟

وكيف الطلق لاني بكريه بللللهي انصحووووني مني عارفه شايله هم كتير ..

ودحين ليا اسبوع نايمه عند امي .. عشان كانت عندي سخونه وزكمه والتهاب في حلقي وكحه والحمد الله راحت السخونه وبقي حلقي الله يخلف علينا ويأجرنا ..

بس سمعت ان الجماع في التاسع كويس وانا دحين في بيت امي اقول لزوجي بروح بيتي يقلي ارتاحي شايفك تعبااانه .. بس انا نفسيتي زفت كل يوم امشي في السوق بيت امي قريب من قبا بس النفسيه ماتأهل ..

ولمن يجي زوجي يزورني ارتاح شويا مانتكلم كتير عن الولاده وهدا الشي مريحني الله المستعان ..

ادعولي يابنااات الله يخليكم ..

بنات الله يسعدكم احد يرد علي ماني عارفه كيف اطلب من الدكتوره الخياطه التجميليه نفسي اسويها بس متى اقول للدكتوره .
انا دخلت التاسع لي اسبوع وحاسه بالالم ونفسيتي زفت ان شاء الله ح اولد في المواساه وانا اراجع في مستوصف قوى الامن علشان كذا ماني عارفه متى اطلبها .

الله يسهل علينا بنات كلنا يااارب



مافكرت في اولد لسا باقي لي ببدايت الرابع انا