السلام عليكم ورحمة الله وبركاته
صباحكم رضا من الله وسعاده وراحة بال
بدخل بصلب الموضوع على طول
انا عمري 24 سنه
آنا وآختي اصغر مني بسبع سنين انخطبنا بنفس اليوم ولكن انا انرفض لآنه متزوج ومن فخذ غير فخذنا مع اني استخرت ووافقت عليه بس وقف اخوي بطريقنا وقلب راس ابوي >> وترا مو اول مره انخطب وكل خطيب يرفضونه حتى لو كان زين
واختي لآنه من عيال عم ابوي واقفوا عليه وبدون حتى مايقولون لها انتي تبينه او لا
وملكتها كانت يوم الخميس
والله كنت فرحانه لها اكثر من فرحتي لنفسي وسويت شغلات بملكتها كنت ابيها لنفسي
بديتها على نفسي والله شاهد من فرحتي لها وفيها
لكن اختي ماقدرت اللي سويته
والله يابنات قهرتني بشكل مادري ليه
السالفه بايخه لكن اثرت فيني بشكل مو طبيعي وربي اقوم من نومي ابكي قهر من تصرفاتها
وصلها فيديوا كتب العقد بمجلس الرجال من اخت خطيبها وصور بعد
ومارضت تخليني اشوف ولا شيء منها
واللي يقهر اكثر انها توري بنات عمي وصديقاتها وخواتي اللي اصغر منها وانا لا
مالقيت تبرير لتصرفها
ادري السالفه بايخه بس والله اثرت فيني اختي وتتصرف معي بهالشكل وغيري تعطيه كل العلوم وانا اختها تخبي عني ولاتكلمني بعد وانا ماسويت لها شيء ابد
وبيوم ملكتها كل صرفيتها من عندي دبرت وتسلفت فلوس عشان العشا والحلويات وسويت زفتها والدي جي والكوافير وديتها تضبط نفسها كله على حسابي وتركت نفسي حتى شكرا مااقالت
مابي شكر منها بس مابيها تتصرف معي بهالشكل عجزت القى تبرير لتصرفاتها يمكن تكون خايفه احسها واخذ خطيبها منها ؟!!
وانا من النوع الكتوم واسوي نفسي عادي طبيعيه ماكنها سوت شيء واسكت وبداخلي احترق
ولا بعد زواجها بيكون بمحافظه حول الرياض وهناك مافيه شغل مضبوط لاكوافير لاشيء ومتبرعه لها اسبقها هناك اضبط الكوشه وارتب بيتها واتزين هناك لو ازين نفسي بنفسي عادي وهي تتزين بالرياض وتجي بنفس اليوم للمحافظه وتلقى كل شيء مرتب
والله اكتب وانا مخنوقه من تصرفاتها وانا ادري الاغلب بيقول ماعندك سالفه
اسفه عالإطاله بس حبيت افضفض لكم وتنصحوني كيف اتصرف معها
وتكفون اللي بترد رد جارح لاترد فيني اللي مكفيني
شاركي في النقاش
سجلي الدخول لإضافة تعليق.
التعليقات
93- الله يعوضك خيررر ويرزقك الزوح الصالح التقي النقي مخموم القلب وجميع بنات المسلمين
- اخوك معاه حق يرفض زواجك من متزوج
اولا انتي صغيره و بنت وش يجبرك على حياة الشقا
ترى الزواج استقرار حياة انتي لانك ماجربتي تشوفينه شي وردي
بس الحقيقه غير كيف لو مع متزوج مشاكل و يمكن يكون نزوه ة يطلقك
اما موضوع اختك لو كان مثل ماقلتي فعلا ولا غلطتي عليها بشي
فأنصحك تواجهينها تشوفين ليه سوت كذا معك ؟
المواجهه تغسل قلبك ولا تدرين يمكن احد حاكي لها شي !!
الله يصلح مابينكم .. ونصيبك بيجيك افضل ان شاء الله ريمووووالمزيونة الله يعوضك خيررر ويرزقك الزوح الصالح التقي النقي مخموم القلب وجميع بنات المسلمين
صباح الخير
وربي ودي اقول شي بس احس مالي خبره بهالامور
ان شاء الله البنات يفيدونكريمووووالمزيونة الله يعوضك خيررر ويرزقك الزوح الصالح التقي النقي مخموم القلب وجميع بنات المسلمين
ىااختي احتسبي كل شئ طيب تسويه لربك. وإذا عن اختي ....مافي احسن من الصراحه والمصارحه لاتخلي الشيطان يلعب بينكم. اولا انت تخلي عن حساسيتك شويه واقعد مع اختك واسآليها بصراحه ليش تتصرف كذا. يمكن السبب يكون جدا بسيط وماكانت تقصد اي شي وممكن إنها مع الضغط ماانتبهت انها جرحتك خاصه انك اختها والاخت تمون علي اختها ..........خليها تمون عليك شوي في ه الفتره
لله يصلح بينكم- اولا الله يرزقك بالزوج الصالح إلي يفرح قلبك عاجلا غير آجل
بالنسبه لأختك مادري اش علتها صراحه بس حاولي تطنشي الموضوع مؤقتا
والافضل على طول لانه مارح يجيك الا وجع الراس والله وإن شاء الله ترجع لعقلها ويرجع الود الي بينكم
مواضيع مشابهة
تابعي تجارب أخرى من هذا القسم.