شاركي في النقاش

سجلي الدخول لإضافة تعليق.

التعليقات

41
  1. @byor_sol

    وليت بعض الا مهات يحرك في قلوبهم شي تلا قيها زي الثلجه بارده تاكل وترقد ولا كأنها شافت

    او سمعت شي من بلاوي الشغالات همها راحتها وبس وعيالها طز فيهم لاكن ما اقول الا حسبي الله

    على كل اب وام فا غرين با الحياة الله يحرمهم نعمة الا طفال الي ما يقدرونها ولا يشكرون ربي عليها .....................
  2. الله يجعل يدينها بشلل ان شاء الله والله يوم اشوف زي هذا الاشياء ان قلبي يتقطع واتخيل الطفل وهو لاحول له ولا قوه بين ايدي ماتخاف الله
  3. أندريفنا
    الأم..وين الأم...حسبي الله على الأم..
    لا حوله ولا قوة الا بالله ........ ليش يا أختي تتحسبين على الأم ...؟؟؟؟
    في التقرير مذكوور ان الأم تروح الدوام ... وهي ما تركت عيالها الا للعمل ولكسب العيش الحلال اللي تساعد فيه زوجها واسرتها ..... وكل عائله لها ظروفها .... لا تلومين الأم ... لأن كان مذكور في التقرير أنها كانت تحسن معاملة الخادمات ... بس حسبي الله على نذالة الشغالات والله يجازيهم على فعلتهم الشينه هذه ... والله قهروني عديمي الأحساس الله يعذبهم مثل ما عذبوا هالأرواح البريئة.آمين
  4. @mthlom_oayd

    om_3yal
    لا حوله ولا قوة الا بالله ........ ليش يا أختي تتحسبين على الأم ...؟؟؟؟ في التقرير مذكوور ان الأم تروح الدوام ... وهي ما تركت عيالها الا للعمل ولكسب العيش الحلال اللي تساعد فيه زوجها واسرتها ..... وكل عائله لها ظروفها .... لا تلومين الأم …
    يا أختي شو ماصار ما تخليهم مع الخدامات حتى لو تعاملهم عدل نحنا الأمهات لو عيالنا يغلطون شويه نضربهم كيف الشغالات لا عيالهم ولا شي
    وهاك أن أشتغل وظروفي صعبه لكن أشحت ولا أخلي عيالي يقعدون مع الخدامه ولا ساعه وحده كيف طول النهار ولا حتى أخليهم تأكلهم ولا تحممهم مستحيل وبلادنا الحمد لله مليانه من هاي الحضانات المعروفه والمتخصصه وأنا أخلي عيالي حتى لو ما عندي خدامه عند أم ريلي واذا مب موجوده أمي واذا مب موجوده زوجة أخو زوجي صح هي ما تواطني لكن بترحم عيالي لأنه عيالي يلعبون مع عيالها ومن سنهم وهي تحب اليهال لكن الخدم ما تعرفين من أي مجتمع وأي ديانه وتربية طالعين منها
    أعطيج مثال عن نفسي
    أنا مع خدامتي مثل ما يوصف زوجي كأننا أخوات وربيعات كله سوالف وضحك وغشمره ومع عيالي زي العسل مثل ما يقولون لكن مستحيل أثق فيها
    بطول عليكم لكن بقولكم قصتي بس علشان ما تخلون كله الثقة في الخدامات وهاذيلة عيالكم أمانه وهم بريئين شو ذنبهم من المعاملة القاسية حتى لو بكلمة وسخة تجرحهم

    يوم الجمعة اللي طاف قام زوجي للصلاة وكنت نايمة فما بغى يوعيني علشان أحمم ولدي وسمعته ينادي الخدامة علشان تحمم الولد وأنا من سمعت قمت على طول من السرير وقلت خلاص مادام هي معاه في الحمام والباب مفتوح أنا بسير أسوي الفطور حقه وقبل ما أسير المطبخ شفتها تغرف من الدلو البارد تبا تحطيه فوق راسه فنبهتها وقلت لها ( ديري بالج عن تسبحينه بالماي البارد الجاهز اللي في الدول سبحيه من الدش العادي لأنه دافي ) قالت انزين
    ومن طلعت وما وصلت المطبخ الا أسمع الولد يصيح وتعرفون يوم الواحد ينسكب عليه ماي بارد كيف يناهد وركضت عليه في الحمام وشفت في ايديها الكاس اللي تغرف فيه توها تفره في الدول بسرعه فصرخت عليها ( كيف تصبين ماي بارد عليه كيف تخلينه يصيح جي ) كان ولدي يغمض يصيح صياح والله انه قلبي عورني عليه وطبعا أنكرت هالشي وقالت انه الشامبو دخل في عينه والشامبو أصلا ضد الدموع وغير اني شفتها توها رامية الكاس وتنكر لين هالوقت وقلت لها بعصبية وهاي أول مره أعصب عليها (تبين أصب عليج الماي البارد علشان تحسين طلعي برع ولا أشوفج تسبحينه مره ثانية ) وهاي أول مره بعد تسبحه في وجودي لأنه ريلي يوم يكون موجود ولا حماتي يخلونها عادي تسبحهم لكن طبعا جدام عيونهم ( وهذا جدام عيوني جي سوت فيه عيل كيف لو من وراي )
    الوحده منا ما تحب أي أحد يقول حق عيالها لو أف
    كمن مره أطب عليها مثلا قاعده تلبس بنتي وتتأفف منها أكيد أتضايق لكن أعديها بس ما أعدي شيئين الضرب والأذية في الجسم والسب مستحيل أعديه حتى مره أول ما جت سامحتها لأنها كانت جديده وقالت لها بنتي صغيرونه عمرها سنتين تسمع من عيال عمها ألفاظ مب حلوه مثل حيوانه فردت عليها نفس العبارة أونها تتغشمر لكن حذرتها من هالشي ممنوع أي كلمة مب حلوة ما أسمعها في البيت حتى لو بالغشمرة
    وأنا دايما أبين لها اني مراقبتها علشان تنتبه وتخاف حتى أقول حق ريلي هالشي لأنها هالناس ما يخافون مراقبة الله لهم فنحنا لو راقبناهم بيخافون على معاشهم أقل شي ولا زم تشوفين وراهم وتعرفين كل صغيرة وكبيرة في البيت أنا حتى لو رتبت مثلا الأغراض في أدراج المطبخ أشوف وراها حتى لو كان في ملاحظة أقولها في نفس الوقت أو أقل شي أبين لها انه أي شي تسوينه ترا عندي به علم صدقوني لو حسستوا الخدم انكم على اضطلاع بكل شي حتى لو تافه بتدير بالها وبتحسب حساب كل شي تسويه

    وأحينه بعد ما شفت من خدامتي هذا ماصرت أتغشمر معاها نفس أول صح معاملتي لها زينه لكن بحدود

    وبالفعل في نساء صدق باردات برود الثلج قلبهم ما يحرقهم على عيالهم نايمين ولا يهمهم شي

تابعي تجارب أخرى من هذا القسم.