السلام عليكم ورحمة الله وبركاته
أخباركم ياحلوات يارشيقات باءذن الله تعالى
وربي لكم وحشه قوووووويه
بالله بشروني عنكم وش اخباركم ووش قد سويتو مع اوزانكم
مين اللي نحف ؟؟
معليش انقطعت عنكم كل هالمده ويمكن انكم زعلانين مني ..
بس ربي يعلم بضروف والحاله اللي جتني .. الشكوى لله تعالى وحده
جتني نفسيه كرهت كل شيء واتخيلوا فكرت انتحر وافتك من كل هالعناء
اتخيلوا كمان كرهت كل شيء يتعلق بالسمنه من قروبات ورجيمات ورياضه وقومة الصبح
ومن غير الحآآآله اللي جتني ابغ احمل .. خلاااااص انتهيت مشتهيه طفل اضمه واشمه
جلست على هالحاله شهر 8 و9 وشويه من شهر 10
اتخيلوا ورب الكعبه جلست ابكي عند اهلي ماابغ ارجع لبيتي اتذكر الوحده والفراغ ونومتي بالليل لحالي ..
وجلسوا اهلي يهدوون في وقالوا تعوذي من الشيطان واستهدي بالله
اتخيلوا يابنات والله العظيم اضطروا اهلي كولهم يسافرون معي عشان يرجعوني بيتي ويونسوني شوي
ووصلنا البيت وجلسوا معي تقريبا 4 او 5 ايام والحمدالله هديت واطمئنيت شوي بفضل الله تعالى
وجاء وقت الوداع وانهرت وانا ابكي وهم يبكون وقلوبهم متقطعه علي وقلبي متقطع اكثر على فراقهم
بجد هالصيفيه بهذلتهم الله يسامحني مدري وش صارني الله لايعيدها علي من ايام ..
بس الحمدالله هاللحين تحسنت شويه نفسيتي .. وان شاءالله يارب تكون نفسيتي حلوه على طووووول عشان استمر بتنزيل وزني يااااااااااارب
وانا هاللحين انتقلت للقروب اللي بقسم تأخر الحمل ( اكيييد عرفتوه ) اللي تبغ تنزل وزنها عشان تحمل ..
فقلت خليني انتقل لهناك واتشجع مع البنات عشان اتذكر الحمل واتحمس اكثر ..
واحنا قلوبنا مع بعض مهما افترقنا بالقروبات
راح اظل اطل عليكم بين الحين والآخر وادعيلكم ان شاءالله ..
وابشركم ولله الحمد والمنه نزلت 10 كيلو
انا عارفه اني بطيئه بس وش اسوي
مثل ماقلت لكم النفسيه اللي مريت فيها هي سبب في ابطاء نزول وزني ..
انا هذريت كثييييير ان شاءالله بس ماارعجتكم بكلامي اللي يضيق الصدر
انا والله حبيت اقولكم وش اللي صار معي لانكم انتم الوحيدين اللي جلست معكم اكثر شيء بها المنتدى واحس انكم مثل اهلي فديتكم عسى ربي سبحانه يحقق امانيكم عاجلا غير آآآآجل
والسلام عليكم
أشوفكم بخير يااااااااااااااااارب
¯`·.•من جديد يوميات معاً للتحـدي يعود ( الفريق الأحمـــرلوزن 100 فما فوق ) •¯`·.·
متابعة النقاش، صفحة 295