ولدي آآآآه منك يا ولدي أخاف اسمع فيه خبر شين

ولدك الي فيه مو طاقه !!! كل الشباب بعمره عندهم طاقه وبعضهم يهدرها بالرياضه وبعضهم بالتفحيط وبعضهم بالتسكع والخرابيط ..الله يهدي شباب الامه يارب ... لكن الي بولدك عصبيه ..نبهيه انه يهدي اعصابه ويكثر من الوضوء والاستغفار والاستعاذه من الشيطان ..قولي له انت صاير مطيه للشيطان راكب على راسك ويوجهك للشي الي يبغاه وانت تطيعه طاعه عميا راح يحس بالخجل من هالكلمه خصوصا اذا انتي مكرهته بالشيطان من صغره ... ولدي توه بسادس واذا عصب اقوله ماشاء الله صاير ملاهي لابليس مستانس عليك يسرح ويمرح على راسك وانت مو حاس ..وقتها ينتبه لنفسه ويهدي اعصابه ...
خلي موية الشرب حتكم دائما مخلوطه بمويا مقريه والكل يشرب منها من غير مايحسو وخصوصا ولدك ...اما اصحابه اذا هم عارفينه وهو لبه طيب ماعليه بسامحونه بس نبهي عليه مايزعلهم عشان لا يخسرهم واذا تهاوش معهم مره اتفي معهم عن طريق امهاتهم انهم مايكلموه ومايسامحوه فتره الين مايطفش من الوحده ويراضيهم وقتها بيحس قيمتهم خصوصا اذا هم صالحين خساره يفقدهم
والله يعينك ويعين كل ام على تربية عيالها ويصلح شبابنا يارب

مادام السالفه فيها سكاكين انتبهي لولدك ياقلبي وفهميه وش بيكون مصيره وش بتكون نهايته اذا استخدم السكينه او غيرها في هوشاته يعني اشرحي له خطورة الشي اللي يسويه والدنيا مو فوضى والدوله فيها قانون،،الله يهديه ويصلحه لك

خلوه يحس انه هو رجل البيت حملوه مسؤوليات الكشافة هذه اعتقد حق الصغار وراح يقولك شايفتني بزر عندك

فيه وحده قالت شجعيه انه يعزم اصحابه فكرتها حلوة علقيه بحاجة مثلا قولي له بنسوي لك غرفة مستقله تعزم فيها اصحابك وتذاكر فيها

علقيه بالزواج قولي له خلص دراسة وابغى ازوجك احلا عروسه كذا بس كلام عشان يركد

قولي له لازم اخلاقك تكون حلوة وزينه عشان لو سألو عنك يلقون الجميع يمدحك

شجعيه على انه ياخذ درجات ممتازة

قولي له اذا ودك تطلع عمره خميس وجمعة انت واصحابك قولي عشان احجز لك

الولد بهذا العمر ما يحب ان يعامل كصغير وامدحيه قدام اخواته وخذيه معاك للسوق قولي له نشتري لاخواتك هدايا فرحهم الله يفرح قلبك

مثلا يوم بتسافرون وابوكم رفض قولي له توسط لنا عند ابوك خليه يسفرنا .. طبعا بالتنسيق مع الاب وانه يوافق على طلب ابنه

حاجات بسيطة لو نتبه لها لملكنا قلوب ابنائنا في هذا السن

اعتذر عن الاطالة

ياقلبي ألله يخلية لك
طيب اسئلية وش يحب وسجلية منها يقضي وقت فراغ ومنها يبتعد عن الهوشات

شوفي اخوي وحيد اهلي الله يصلحه سجلناه بحلقه الي يطلعون رحلاة وسفر وستراحات وقلنا له اذا سجلت معهم راح نمشي لك مصروف شهري لك خاص ماله دخل لا بالفسحه ولا ملابسك نعطيه مبلغ شهرين يلعب فيه
وتحمس علشان هالمصروف وهو بعمر ولدك عمر صعب وشرط يبي سياره وجاب له الوالد قلنا اهم شي ماتخلي حقين الحلقه ووافق والله يتمم عليه ويجعله بار لوالديني