بسم الله الرحمن الرحيم
السلام عليكم ورحمة الله وبركاتة.
أخوتي بنقل لكم تجربتي المريرة في البحث والمراكض والمطامر من محل لمحل عن فستان سهرة مميز ويفز له قلبي .في قارة الرياض العظيمة بصراحة الرياض حرام يطلق عليها مسمى مدينة .
وعلى فكرة بدأت رحلتي البحثية هذة منذ شهر ثلاثة الهجري والى الأان لم أعثر على شئ يرضيني والشكوى لله ثم لتجار الرياض ليش يسوون فينا كذا بس ؟ليش مايجيبون لنا شي يرضينا ؟يفترض فيهم لأنهم عرفوا أذوقنا ولازم يجيبون شئ يوفقها .
أولا المحلات اللي زرتها وبصراحة بحاول أعصر مخي عصر لأني رحت لمحلات كثير وكلها طبعا في شمال الرياض .
رحت لعمارة برج الميزان ومالقيت شي يعجبني وهو عبارة عن فساتين معروضة ويفصلون لك مثلها .وكل مارحنا يقولوا لنا الأسبوع الجاي تنزل البضاعةالجديدة وماشفنا شئ الى اليوم.
ومعرض بن ضياء (يعني )
معرض عبد الواحد(يعني)
معرض لمسات طيبة (جيد)
معرض روازنا (يعني)
معرض الكواكب(مقبول)
معرض عبدالله السيد(مقبول بس غالي علىالفاضي)لقيت فستان فية باربعة الالف ريال ولقيت نفس الفستان بلمسات طيبة ب2250 ريال!!
معرض ريميال في العقارية الثالثة (جيد جدا)أشتريت منة فستان يمشي الحال بس موهو الفستان اللي أبحث عنة .
معرض روبي مودا (فاشل)
أما الطامة الكبرى مجمع الموسى المشهور بفساتين السهرة فهذا كارثة .لازم الوحدة قبل ماتروح له تحتاط وتاخذ كيس معاها علشان بتجيها حالة ترجيع (أي تطريش)غير طبيعي من قرف الفساتين اللي فية وقدمها والغبار المتكدس عليها .
هذا ماسعفتني فية ذكرتي الليلة وأذا تذكرت محلات ثانية بقولها لكم.
ياتجار الرياض وينكم ؟ وش فيكم ؟
الموضوع مغلق