هل انا صح ام لا ؟
انا متزوجه من سبع سنوات وعندي بنتين وحاامل حاليا انا عند اهلي وطالبه الطلاق من زوجي لعدة اسباب راح اذكرها لكم بداية زواجنا ماكان عندي شقه زي زي غيري ولاكن سكنت انا واياه ف شقه مفروشه وجلست فيها حوالي تسع شهوور وكانت ظروفه صعبه جدا وفزعت له انا ووجهي بذهبي وبكل شي لين اخذنا شقه وسكنا وبعدها بدا يتغير معي اكتشفت انه يحشش ويشرب وراعي بنات وخربااان حاولت اساعده حاولت اغض النظر وخلفت منه وكل بعد فتره والثانيه اكتشف انه خاني واذا واجههته ينكر ويعصب واحيانا يضرب المهم نزل من عيني وخليته بينه وبين ربه وقلت يالله خليني اكمل جامعتي وادرس استفيد من وقتي بشي مفيد المهم كان يحاول يشكك ف اخلاقي ولسانه بذىء معي وصارت عصبيته لا تتطاق واذا عصب يضرب بناتي ضرب قوي مايتحملونه حسبي الله عليه وصار يقصر معي بواجباته تجاههي وبحقوق بناته مستشفى مايودي الا ونفسه شينه وينافخ السوق ماينزلنا يقول ماعندي واهلي يرسلولي الملابس ويرسلولي المصروف وكل اللي ابيه وصار اي نقاش بيني وبينه يمد ايده ويضرب راسي بالجدار ويلعن ويسب ع اتفهه سبب ومرات يشد شعري واخر مره انا حامل ومره كنت اوحم مو طايقه شي ومتضايقه اكيد تعرفوا الوحم كيف يتعب سويت العشاء وتعشينا وشفته مككتم ومايبي يسولف سويتله شاي ورحت انام بفراشي جاني وانا نايمه يقولي قومي لبناتك وشوفي بيتك قلتله طيب بقووم وقرب مني ويصارخ يلااااا قومي ولما شاف البنات خايفين دخلهم غرفة وشغلهم اناشيد اطفال ورفع الصوت للاخر وجاني وقفل الباب وكلمه مني وكلمه منه مد ايده عساها الكسر وضربني ضرب مبرح جسمي كله كدمات وضربني باسلاك وضربني بالخيزرانه وضربني كفوف بيده ع وجههي وويححط رجله ببطني واقوله انا حامل يقول ماابي منك عيال ويتفل بوجههي المهم تعب الاخ وراح يريح وشوي يزيديرجع بضرب اقوى من الاول ويتعب الكلب زيروح برا الغرفه وانا جثه مااقدر اقوم ثم مسكني من شعري وقال لبسي بناتك بوديهم عند اهلي وبرجعلك ولبست بناته وانا الله يعلم بحالي ثم راح وانا كنت خايفه منه يرجع يسوي فيني شي والاخ اخذ مفاتيحي ولما دورت لقيته ناسي مفاتيحه وانزل لجارتنا وادق ع اهلي واخذوني السؤال هل انا صح لما طلبت الطلاق ام لااااا لاني محتاره وكرامتي تهمني قبل كل شي