ادخلو بموت من القهر //اكتفى من الردود

كلام 100%

بنات وش هالردود؟؟؟؟ الوحده مننا اذا اشتكت ماتبي حل تبي احد يسمعلها وان بغت حل ماله داعي تغلطونها بعد مافات الوقت.

اسمعيني قلبي انا احس فيك وانا اتوقع معك الدوره او قربت او متأخره. لانه تقول الدراسات ممكن للمرأه ان يصل بها ان تقتل من شدة ماتشعر به اثناء لخبطة الهرمونات. وانا مثلك اذا زعلت ومعي الدوره ارمي كلام قوي على زوجي وهو سبحان الله يحرق زياده. الرجل عنده قدره على الاستفزاز بشكل رهيب واذا ما استفزك وقدرتي تقهرينه يا ويلك من الي بتشوفينه. عشان كذا دايم اقول لا تسمعين للرجال اذا عصب ابداًًً اسمعي وطلعي لانه يكون مثل السيف ولكن شوفيه لما يهدا والله يندم ويعتذرلك بأي وسيله بالكلام او يجيبلك عشا او يشيل بنته ويلعبها عندك عاد انتي وزوجك وطريقة اعتذاره.
المهم انا حاسه فيك وعليك بانك تصلين ركعتين وشوفي كيف يمتص الغضب منك وتهدين. والله يهدي الامور. وابوك لا يوصله شي مشكله بسيطه وان مد يده ترى انتي قهرتيه يعني وحده بوحده والبادي اظلم.

بناااااات والله عيب هالردود وحده في لحظة غضب وفضفضت. يعني بتقنعونا انه ما عمركم تهاوشتو مع ازواجكم ولا ارتفعت اصواتكم. انتم إناث ولا وحوش مع هذي الردود الجارحه. اذا بتغلطون احد غلطيه بالمنطق بالحجه اما انك تقولين الله يصبر زوجك والمفروض متزوج. وش هذا الكلام بالله عليكم هذا اسلوب نصح ؟؟؟
اخر شي احب اقول حب لأخيك ماتحب لنفسك وبلاش هالردود الي حطمتني وحسستني ان مجتمعنا مجتمع قاسي وغير واع.مع العلم انه فيه ناس فاهمه بس ماتوقع انهم بهالمنتدى والله المستعان.