تجمع للي يعانين من نقص فيتامين د

مليون اهلين وسهلين خيتووو بلسم
كشفت على الاذن لين ملييييت وطفشت وقال سليمه والمعدة اخدت منظار وطلع عندي جرثومه وعطاني الذكتور مضاد مده اسبوع وقال بعد شهرين لثلاثه اعيد التحليل والغده سليمه طبيعيه
والله ماكتبت موضوعي الا من همي وضيق صدر اللهم ياشافي يامعافي عافيني وشافيني وشافي جميع اخواتي حوااائيااات يااارب:(

من وين اجيب النقط وكيف استخدمها وهل استشير طبيبي اول ؟
دعوووواتكم حوااائيااات:(

هلا مدى وعليكم السلام والرحمة.

والله يا مدى ما أبالغ لو قلت لك لي برمضان والعيد ذكريات سيئة حمدلله والشكر على كل حال نفس أعراضك ويمكن أشد وفقدت وزني ووجهي صار اسود كنت ما أنام من شدة اللي أحس فيه كأني منفوضة بكهرب وجسمي كله يألمني غير الأورام اللي طلعت لي سبحان الله. بس صدقيني الإرادة فوق كل شيء
كنت أقاوم هالشيء وداومت على النفث بماء زمزم وأشربه يوميا الدعاء حسن الظن بالله الرقية الشرعية وكنت أشغل سورة البقرة لا نمت بس كنت أشوف بلاوي :huh: أثناء النوم أحلام وكوابيس مروعة بس كنت أقنع نفسي إن المرض يجيب لابن ادم ما يسمى بالخذرفة. وحتى وأنا بتعبي كنت أجلس مع الناس وأطلع بس عشان ما تتمكن مني الأعراض.
حمدلله قاومي وأحسني الظن حبيبتي ليه تقولين احس ماراح أطيب مستحيل العلاج يتفاعل بجسمك بدون ما يكون معك يقين بالشفاء هذا كله من الشيطان يا مدى تعوذي وعيشي حياتك وتعالجي العلاج السلوكي ابحثي عنه بالنت انا استفدت كثير منه
اللي فيك مش مرض عضوي أكثر ما انه نفسي النفس لا تعبت هدت حيل الجسد بالكامل.

وبالشفاء يارب.

اااااااااااه ياشيخه ولله لي شهرين فوق ماتهنيت بحياتي رحت لقارئة ونفس ماسويتي سويت اشرب زمزم واقرا وادعي بس الي يحطمني الدكاتره يقولون الي فيك مالة دخل ابدفي النقص الي فيك حالة نفسية راجعي مستشفى الامل اموت غبنة وقهر قول وش الي وصلني للامور ذي حياتي انقلبت فوق تحت فجاءه كتمة ذي مو مخليتني اشوف الدنيا كل تفكيري وش الحل احس خلصت الحلول قارئة ورحت وقالت فيك عين جلست اقرا اسبوع ماشفت اي تحسن رغم انها قالت الي فيك عين خفيفة احسها ماعندها سالفة قلت اقلها بحس بتحسن بسيط ابي اعرف هل الاعراض الي فيك مثلي صارت من نقص لله ماتهنيت بحياتي بسببها حتى الاصوات العالية تزعجني كثره الكلام ماحبة

لا تحاتين يا مدى صدقيني اللي فيك ابتلاء بس اصبري واحتسبي والله بيجازيك وخلي عنك كلام المقرئة
والعين والنفس والاشياء هذي لا تخلينها تعلقك بشيء ممكن ما يكون فيك اصلاً. خلي يقينك وقلبك مع الله فقط لا غير أرقي نفسك بنفسك وتصدقي بقصد الشفاء واستمري بماء زمزم العلاج يا مدى ما يجي بيوم وليلة أول العلاج نفسك اليوم اجلسي معها واقنعيها انك بتطيبين.

تدرين يا مدى مرة جالسة مع أهلي مجتمعين واحس الدنيا بدت تغمق سبحان الله من التعب وبدأ معي الخفقان والرجفة بس قمت أخذت لي خيارة رشيت عليها ملح وأكلتها وقاومت.
إذا سيطر عليك التعب قاومي امضغي شيء المضغ يخفف التوتر أو اشربي كاس حليب بارد أو زبادي.

بكرة بيرتفع الفيتامين وبيروح كل شيء وبتصير الدنيا سواليف.
بس أنتِ حللتي فيتامين ب 12 لأني حللته واكتشفت الأعراض اللي فيني مطابقة لأعراض النقص.