للمتزوجات فقط ؟

الغاليات بنات عالم حواء ابغا اعرف كل الي تزوجوا مثلي والا انا بس انا يوم تزوجت تغيروا اهلي معي في تعاملهم اشوف البنات اذا راحوا لاهلهم ينبسطون واذا جا النفاس ما يصدقون عشان يجلسون عند اهلهم انا اذا رحت لاهلي ما انبسط يمكن عشان تعاملهم معي يعني امي مثلا دايم معصبه وتهاوش بناتي لا توسخون الكنب واذا جا بالليل وش تبون عشا طبعا اكثر شي ادق على المطعم واطلب واختي مختلفه هي ورجلها ولها ست سنين صاكه على نفسها في الغرفه بس تطلع تاخذ اكل وترجع ماتكلم احد وعيالها عند ابوهم يجون في السنه مره يزورن واخواني واحد اشوا يجي يزور هو وحرمته محترمين والثاني متزوج وحده تكرهنا كره وتكذب علينا وتتكلم فينا عند الناس واخوي ما يصدق فيها الى درجة كنا عندها نزورهم يوم كانوا برا الرياض وسوت علينا حركات منها يوم جا موعد رحلتنا نطق على اخوي نبيه يودينا وارجمتنا بالمفاتيح يعني مشاكل مالها اول من تاليوالحين جوا الرياض وقعدت وراه لين ما خلته ما عاد يجي بيت اهلي وانا اروح اجامله في المناسبات ازوره وامي زعلانه تبيني اقطع فيه وانا ما ابي اخوي ينقطع عنا وامي الحين اروح لها ازورها وما اطلع الا وحنا متهاوشين تطنز فيني وتقولي الحمدلله ماتعرف تتكلم وتطنز بالمشاكل الي تصير لي بيني وبين زوجي وتقولي اصلا هذي عقوبه جايتك وانا ما عمري سويت لها شي بس مشكلتها انها تبغا اذا زعلت على احد او شي انا بعد ازاعلهم واذا قالت سوي كذا اسويه واذا ما سويته تكلمت علي وطلعتني ما اسوى لدرجة في النفاس صرت انفس في بيتي من كثر ماتتهاوش معي واذا رحت السوق معها ابشترلي البناتي ملابس تقول وشوله تشرين لهم مليانين وتحاول اني ما اشتري لهم ما ادري وش مشكلتها احس احيانا انها تحسدني بس ما اصدق ان فيه ام تحسد بنتها ما ادري الناس كذا والا اهلي بس ؟

14 تعليق 2,400 مشاهدة

شاركي في النقاش

سجلي الدخول لإضافة تعليق.

التعليقات

13
  1. @jana_2

    الله يسر امرك و يبعد عنكم المشاكل معلش هذي امك سايريهاا مو ضرووري تقولين لها انك رحتي لخوك او احد في نظرها لازم تقطعي علاقتك فيه و انت لازم تسيرينها لاتغضب عليكي و انت عارفة هذي ام يجووز انها عصبية بس انت لازم تسيريها على قد ما تقدري و اذا انت حاسة انها ما تحب جيتك عندها خففي بس لاتقطعيي ........ الله يسر امرك
  2. شوفي حبيبتي يمكن يكون معاها الضغط وتعبانه وغصب تكون اعصابها فالته
    اتحمليها وحاولي تهدين الامور واذا استمرت بنفس الطريقة الشكوى لله هذي امك والجنة تحت اقدام الامهات اتجنبي الصدام معاها وخليك في بيتك وتعالي لها كل اسبوع مرة تطمنين عليها وعلى الخفيف
    لعل وعسى حالها يتبدل
    ربي يهديها ويشرح صدرها
    دمتي بخير غاليتي
  3. @dlaa_2004

    يا عمري انتي


    نفس حالتي انا من اروح لاهلي اعلن حاله الطوارئ لين اطلع من عندهم

    انا من توفا ابوي من خمس سنوات

    وحال امي متغير

    صارت عصبيه وتفسر كل شي علي كيفها
    وتغلط علي وصايره بخيله ما تحب احد يتعشا عندها حتي لو احنا يا عيالها
    رغم انها بخير ونعمه

    بس صراحه

    اتخذت طريقه اني ما اروح الا با الاسبوع مره وحده واذا رحت اقلل الكلام معها علي شان ما اغلط عليها واتحسف

    واروح من العصر والعشاء اطلع

    واحس كني احسن

    بس والله اتمنى اهل مثل الناس
  4. صاحبة الموضوع
    ولله يا بنات اني استحي من رجلي ان اهلي كذا ودي اعتز باهلي اشوف اهله مب زي اهلي كل واحد يفكر بالثاني ويحترمون بعض ويرزون بناتهم عند حمايلهم الله يخلف علي بس
  5. @grh_zmany

    المشاركة المقتبسة غير متاحة.


    صراحة أخواتي ومن وجهة نظري ينبغي أن تخفف المرأة المتزوجة زيارتها لأهلها-خاصة إذا كان عندها أطفال وأهلها عائلة كبيرة -لعدة أسباب:

    1- حتى لايدخل الملل في نفسك من كثرة الزيارات وتضطر للغياب وقتا طويلا لتكسر الملل وقد يؤثر ذلك في علاقتك بأهلك وقد يحدث جفا ومقاطعة بينك وبين عائلتك!!
    2- حتى لايمل الأهل منك وتتغير معاملتهم لك من دون قصد وتحدث فجوة في العلاقات الأسرية بسبب الملل والمبالغة في الزيارات!!

    3- وحتى لايسبب خروجك من بيتك بكثرة - سواء لزيارة الأهل أو غيره - الإهمال في واجبات الزوج والمنزل والأولاد!!

    4- كثرة الاحتكاك والاختلاط بالناس يسبب الكثير من المشاكل فالشئ هذا ينطبق حنى في بيت أهلك!! بالذات إذا كان لك إخوان متزوجون ويسكنون مع أهلك فلابد أن يحدث مناوشات مع زوجات الإخوان!!ونراعي أن بيت أهلك هو بيتهم ولا بد أن يكون لهم خصوصيات أو رغبة في أن يجلسو مع بعض أو أن يخرجوا مكان ما مع بعضهم وزياراتنا المتكررة والمبالغ فيها تحد من حريتهم!!!
    فلنقدر ذلك ونحسب له حساب!! حتى لانكسب عدواتهم وتنفرهم من زيارتنا لهم

    4- ويقال في المثل خلك بعيد حبك يزيد !!!!

    ---------------------------------------------

    فلنقتصر زياراتنا لأهلنا إلى حد المعقول وولانتركها تتعدى الحدود!!! كلن على حسب ظروفه وظروف أهله!!

    ويمكننا أن نسأل عن والدينا بالهاتف ونطمئن على صحتهم يوميا إن أردنا حتى لانقصر في حقهما وإن أرادا شيئا منا قضيناه لهما ولبينا طلبهما دون الحاجة لزيارة قد يطول وقتها ودون الحاجة لاصطحاب أطفالنا معنا إذا كانت الزيارة لهدف وغاية محددة !!!

    وبذلك أكون أدينا ما علينا من واجبات تجاه والدينا دون أن نسبب حرج لأنفسنا ولأهلنا وأعطيناهم متسع من الحرية والخصوصية في بيتهم!!

    ولابد أن نضع نصب أعيننا المثل القائل - ياغريب كن أديب - فلانتدخل في شؤون حياتهم !!
    فكوني ابنتهم لايعطيني الحق في التدخل في حياتهم فقد استقليتي بحياتك وأصبح لك بيتا وأولادا
    فهل تحبين أن يتدخل أحد في حياتك ولو كان أمك أو أباك؟؟؟

    فلنلتزم بأداب الزيارة حتى ولو كانت لزيارة الأهل!!!






تابعي تجارب أخرى من هذا القسم.