السلام عليكم ورحمة الله وبركاته
بدخل في الموضوع على طول أنا من ضمن اللي يستلمون حافز
ومن استلمت ماقد شريت حق أمي شي فحبيت أفرحها بهديه واليوم رايحه سوق الذهب عندي شغله وقلت بأخذ هديه لأمي طيب وشاورت زوجي مع العلم انهم فلوسي وقالي على راحتك بس وهو متردد طيب واخترت لها هديه بسيطه ب1500 فقط وطلعنا من السوق وهو معصب ومتنرفز قلت ليه معصب قالي ولاشي بس انا عرفت انه تضايق عشان الهديه وقلت له قال اي في اشياء اهم من الهدايا قلت له هذي امي مو اي احد قال اي كان حطيتي هالفلوس في شقتنا مع العلم والله ان اي حاجه احتاجها اشتري من غير مااطلبه اشتري من عندي لي ولعيالي والشقه شريت اغراض كثيره للمطبخ من غير مااطلبه عارفه وضعه والبطاقه بعض الاحيان تكون عنده وعادي مااتكلم اقول الحال واحد وقلت له هي باقي فيها فلوس اذا محتاج اي شي اشتر ومابينا اي حساب وعصب قال ماابي من عندك شي وخلاص رجعت البيت وهو راح حق ربعه وجا الحين العاده يسهر معانا الحين دخل ينام
تكفون بنات قولوا لي من الغلطان انا ولا هو
والله متضايقه ماتوقعت لهدرجه بيزعل مني ولا بيكلمني
شاركي في النقاش
سجلي الدخول لإضافة تعليق.
التعليقات
73- مع العلم علاقته مع امي حيل تمام وامي دايما تمدحه حتى
قدامه مو مقصره عني اي شي حتى اذا يوم ماطبخت
تجيب له غدا وتقولي ليه ماتطبخين عشانه - حبيبتي انتي ما غلطي
بالعكس المفروض يثني علي برك بأمك اما موضوع بيتكم فهو مكلف شرعا انه يزبطه لكم وان جى منك فهو كرم بس
واذا تبغين تمتصين غضبه اشري لامه هديه حلوه وبعدها بتشوفين الكشره وين توصل - الله يعين على ذا الرجال
اكيد غلطان حبيبتي انقهر
بس نصيحه انك تلطفين الجو ولاتجيبين سيرة الهديه فهميه بالفعل ان امك خط احمممممر مايناقش عليه ابدا - لا والله
هو الي غلطان وش دخله اصلا بحافز
من حقك تعطين أمك حتى لو بتعطينها حافز كله
وكثر الله خيرك منتي مقصره مع زوجك بالبيت - ماعليكي منه ابد ولايهمك ولايهز فيك شعره ولاتفكرين تعتذرين له لانك مااخطيتي بشئ لو انه هو اللي شااري حق امه الهديه كاان ماسمح لك تقولين له هالكلااام يااحلوة
في النهايه هذي امك ومافيها شئ لو اهديتها مرة وححده في حياتك والحمدلله الخير موجود وقولي لزوجك الشقه ماهيب طاايرة وان شااء الله مع الاياام كل شئ بيتصلح فيها
مواضيع مشابهة
تابعي تجارب أخرى من هذا القسم.