السلام عليكم
كيفكم بنات ..؟
انا محتاره وابي شوركم ..
زوجي عرض علي اننا نروح لدبي كم يوم انا وبناتي عشان نغير جو ..
وطبعا الميزانيه علي القد .. والسكن لشخصين سعره حلو يعني غرفه او جناح في فندق يكفينا احنا وبناتنا لانهم صغار ..
وهو متحمس انه يودينا لدبي ..
المشكله هنا ان امي من زمااان ودها تشوف دبي ودايم اذا احد من اخواني سافر لها تعتب عليهم انهم ماخذوها معهم او مااعزموها معهم ودايم تقول هالكلام قدامي وانا اعتب عليهم بعد ..
فأنا اول ماقال لي زوجي نبي نروح دبي قلت له بناخذ امي معنا .. هو هنا مثل اللي تأزمت حالته لان المصاريف بتتغير يعني بدال ماناخذ غرفه او جناح لاززم ناخذ شقه بغرفتين عشان امي تنام فيها غير باقي المصاريف واللي لاززم يتوجب فيها مع امي .. يعني المصاريف بتزيد ..
هو تعذر لي ان الطريق طويل عليها وبيتعبها لاننا بنروح بالسياره .. وانا مقدره وضعه واحس انه يبي يكنسل الروحه اذا جت امي لانه حاط ميزانيه معينه ومايقدر يتجاوزها ..
وبنفس الوقت منحرجه من امي ان قلت لها بروح لدبي خايفه تاخذ مني موقف وتعتب علي حتي لو ماتكلمت او قالت لي لانها دايم تشكي لي من اخواني وماابي اصير مثلهم
وش رايكم وش اسوي .. تكفوووون شورو علي .!!!
شاركي في النقاش
سجلي الدخول لإضافة تعليق.
التعليقات
33- الله يعينك على هذا الموقف جد صعب بس عندي لك حل اذا عندك ذهب بيعي منة واصلا اليوم الذهب غالي
او خاي اخوانك يعطوكي فلوس ودفعيها لسكن امك - رففع
- شوفي حبيبتي انتي بنت ما تقدرين تفرضين ع الرجال يمشي امك
لان الرجال اقلها بأخذ راحته مايبي يتقيد
اصلا أشوفها جداً صعبه
والمفترض ان امك ما تزعل لان ولد الناس مش ملزم بها
لكن نصيحتي لا تعلمينها انك رايحه
واذا درت قولي أنا ما ادري فلان سواها لي مفأجاة
واذا عندك امكانية احجزي لها بعدين مع احد من إخوانك عن خاطرها - ماراح تشره على ولد الناس ..
هي تشره على اولادها .. وصدقيني امك مستحيل تفكر بالطريقة هذي الا اذا طان انتي سبق وعدتيها ..
وعجبتني فكرة الاخت اللي فوق .. مالك الا تقولين سواها مفاجأة لي ,, - استغفرك ربي لا إله إلا انت سـبحآآنك اني كنت من الظالمين ..
مواضيع مشابهة
تابعي تجارب أخرى من هذا القسم.