تجمع لكل عروسه بيكون زواجها الصيف الجاي نرتب من بدري \ اكتفى من الردود +يمنع فتح تجمع

بديت عنايه بالجسسم وخلطات لكن شعرري مرره تعباان من الصببغات ويتساقط ..والتجهيزات لسى ماجاني المهرر

الله يووفقنا ويسعدنا ي رب ويتمم لنا ع خيرر ويبعد عنا كل شررر

الله يبارك لكم

مرحبااا بنااات

الف الف مبروووووووووووك لكل عروووسة فيكم ربي يتمم لكم على خير يا رب

انا عروووسة كمان شهر و 3 اساابيع باذن الله :huh::huh: يممه تو استوعبت :icon33::icon33:

المهم لا اطول عليكم .. زين انكم باديين من بدري .. انا بديت اتجهز من قبل 6 شهوور تقريبا

اهم شي بناات لا تفكروا انه المهر ما يكفي ... سبحان الله ربي يبارك فيه ... انا مهري 75 الف و ما صرفت على الجهازالا 12 الف رياال و كاامل مكمل ( ما عدا الذهب و لوازم يوم الفرح ) ما خليت شي الا شوية اشيااء باقية وكله خذيته ماركات الحين اقلكم السر

السر اهم شي لا تسوون غلطتي ..انا بديت اجهز ما كان في تخفيض .. انقهرررررت مرررة لما شفت الاشياء الي شؤيتها نفسها ثاني اسبوع تخفيض 50 بالمية و اكثر .. صراحة شي يقهر .. ما توفري فلووسك بس اصرفيها بشي ثاني طالما البضاعة نفسها نفسها جيبيها بالتخفيض

الشي الثاني بنات بتلاحظوا بيصير عندكم هوس اسمه لانجري و فساتين النوم . ترا بدون قصد ههه تحبين تشترين منها كثير لانها شي جديد عليك ..فسوي جدول من اول و عدد معين ما يتجاوز الجدول و الا بتقضين كل جهازك لانجري

رح تلاحظوا انه ملابس النوم مو مثل ايام اول الابيض و البيج و الوردي الحين فيه كلللللل الالواااان ..الاحمر و الازرق و البنفسجي عاادي نوعي و خذي منها مرررة حلووة

الي شعرها شوية مخشن زيت الزيتون لا يعلى عليه 4 ساعات اتركيه على شعرك مرتين بالاسبوع واااايد يريحك من التقصف لين يجي وقت زواجك .. و الي ما تعرف تسشور او تتعب من حمل السشوار السيراميك روووعة سهل بسيط و لا صوت و لا ازعاج و لا دوشة و انصحكم بماركة برااون فيه منه ب 180 ريال و فيه ب 300 و فيه ب 500 خذي الي ينااسبك و نصيحة لا تاخذوون من ماركة بيبي لس انا توهقت فيه طلع ما يسخن حتى !! :huh:

الحبووب الي في اليدين و الظهر عشان تروح حل بسيط جدا .. ليفة فلسطينية و صابون نابلسي .. تلقينهم عند المحلات الي تبيع المنتجات الشامية و للبنات سكان الرياض موجودة هذه المحلات عند مطعم هاشم .. المهم ياطويلات العمر .. و انتي تتروشين تبلين الليفة بشوية موية و تحطي من الصابونة و تفركي جسمك .. و الجهة الناعمة من الصابونة تفركي وجهك ( الا اذا عندك حب شباب لا تسوينها ) و خلاص الله يسلمكم سووا هالحركة كل يوميين ما يخلصشهر الا نعوومة خياااااال

اهم نصيحة ممكن اعطيها لكم لا تشتروا عشواائيانا كنت كل ما عجبني شي اشتريت و بعدين توهقت اني اضبط الاشياء على بعض .. الفساتين الوان ما لها علاقة بالشوزات .. و الشنط من كوكب آخر .. كذا اتكلف زيادة اني ارجع اشتري شي يلبق على الي عندي :huh:

اذا تذكرت شي جديد جيت سولفت لكم :42::42:

بعد اذنكم طبعا :huh:

في امانه حبوبات :a_smil08: