سؤال بخصوص الرضاعة الصناعية الله يخليكم ردو علي

السلام عليكم ورحمة الله وبركاته خواتي انا ولدي طبيعي وصناعي المشكلة احيانا وايدة ضطر اني أبرد الرضعة للبيبي لأني اكون محضرتها من ماي حار واقول راح يصحى البيبي بعد مدة وتكون الرضعة صارت دافية لكن احيانا مايكون فيه مجال انها تدفي ويصحى البيبي علطول ويبي يشرب فأضطر اني احطها في كوب كبير فيه ماي بارد عشان ابرد الرضعة شوي ماعليه اسفه طولت بالكلام سؤالي هو هل فيه طريقة ثانية لتبريد الحليب بشكل سريع غير الطريقة اللي انا استعملها بحيث تكون سريعة آمنة ؟؟مثل اجهزة تسخين الرضعات وشكرا

4 تعليق 536 مشاهدة

شاركي في النقاش

سجلي الدخول لإضافة تعليق.

التعليقات

4
  1. @marigold

    والله مدري بس انا طريقتي و طريقة أمي و طريقة عمتي هي :
    يكون عنده حافظ حرارة (مثل دلة القهوة أو الستينلس ستيل ) يعني بختصار شيء لحفظ الماء الساخن
    لما يجي وقت الرضعة
    حطي ماي ساخن في الرضاعة و اضيفي ماء درجته حرارته عادية بس يكون من علبة المياة المعدنية يعني مضمونة ونضيف و اخلطيهم يصير عندك شيء دافي
    او ممكن نفس الوقت لما يصحى تغلي شووووي ماء ساخن و تحطيه في الرضاعة و تزيدين عليه ماء من القنينة المعدنية و بس
    و سلامتك
  2. @alfrashh_9

    هلا اختي

    في جهاز لتبريد الرضعات وفي حل ثاني انج اذا صخنتي الماي حطي فالمرضاعه لي النص من الماي الصاخن واذا صاح البيبي حطي نص الكميه الثانيه ماي حار وبتكون الرضعه دافيه..
  3. صاحبة الموضوع
    كرا للي ردو علي وسؤالي للفراشة ممكن اعرف اسم جهاز التبريد ووين القاه واسمه؟؟؟؟
  4. اختي انا اكون مسخنة الماي احط منه في الدلة والباقي اخليه لحد مايدفى واحطه في قرشة ماي وكل ماصاح ولدي احط له شوي من الدلة وشوي من القرشة بس طبعا الماي انا سخنته مع الماي الموجود في الدلة....
    لان يقولون ان الماي الاحسن انه يكون مسخن للبيبي

تابعي تجارب أخرى من هذا القسم.