شاركي في النقاش

سجلي الدخول لإضافة تعليق.

التعليقات

78
  1. @am_lyn_odym

    اسمحي لي الي متقدم لك جاهل وعذره بزواج غبي اصلا هو الي يحدد الجنس بعد الله يعني لو تزوج مليون مره والله رايد له البنات ماراح يجيب غيرهن وانتي لاتوافقينه نصيحه انا ماابي اقطع نصيبك بس فكري بعقل والي تزوج مره ومرتين ممكن اذا جبت بنات يتزوج عليك استخيري الله
  2. @beautiful_girls

    منطقيا َ اذا ماتزوجك بيتزوج غيرك
    يعني فكري بنفسك
    لكن عذره للزواج بصراحه زي وجهه
    طيب ما جبتي له ولد !! بيخطب الثالثه ؟ واذا ماجابت له ولد بيدور رابعه !
    طيب كتب ربي وتزوجتيه وجابت زوجته ولد قبلك بيطلقك لان الولد جاه !
    بصراحه الي يتزوج عشان هالعذر ماله أمان , وبيني وبينك مافيه ميزه من الي ذكرتيها تستاهل , وزيدي عليها واحد للحين عايش بالعصر الحجري الي همه يجيب ولد الي هذا تفكيره وعقليته بتتعبك
    بس استخيري وخذي وقتك بالتفكير
  3. @shmsh_lm_tghrb

    ياغلا
    يمكن ما راح نحس مثل احساسك صح الحرمة تبي يكون لها سند في هالدنيا
    بس نشوف الاشياء الثانيه
    بعدك عن امك راح يسبب لكي تعب نفسي واحساس بالذنب لو سار لها شيء لا سمح الله
    وثانيه بناتك كيف راح يتعامل معاهم وهم بعد كيف راح يتاقلمون معه
    وتخلي قالك ما ابيهم وش راح تسوين
    ويمكن بعد يكون حاب راتبك دامك موظفه

    حلو واحد يكون له بيته واستقراره بس بعد يحاول يبعد عن المشاكل والهم الواحد مو ناقص في هالدنيا
    بس الاحساس لما تكون تحت رجول امك وتهتمين فيها وتراعينها وتسمعين دعواتها لكي ولله تسوي الدنيا وما فيها

    وربي يكتب لكي الخير وين ما كان
  4. @mdry_osh_aby

    دام امك بحاجتك احتسبي الاجر وان شاء الله يجيك واحد احسن منه وتسكنين قريب من امك

    وترا طريقه تفكيرة غلط وجاهل
    يعني الولد والبنت يتحددون من الزوجه
    زوجته مكتوب على جبهتها مثلا بنات فقط ؟
    يعني لو جبتي بنات او ماجبتي مايصير له حاجه فيك وماتدرين وش مصيرك معه
    وحتى لو جبتي ماتضمنينه هو يبي الولد وماتزوجك الا علشانه واذا ضمنه ماتدرين وش مصيرك معه
    وخاصه بسكنك بعمارة فيها زوجته الاولى
    يعني واضح انها عارفه وموافقه
    والزوجه ماتوافق الا في حالات نادرة او يكون الموضوع في ان
    مابي اخوفك بس في بعضهم يتزوج لغرض الاطفال واذا جابت له طلقها واخذهم ورجع للاولى

    بس اهم شي وقبل كل شي استخيري والله يكتب لك اللي فيه خير

تابعي تجارب أخرى من هذا القسم.