جميلة ولكن برأس صغير/ قديم

المشكلة مو في البنت المشكلة الام موسوسه الناس يخطبون بنتها يعني شايفينها طبيعي والامر ترفض

البنت طبيعيه اذا انخطبت خل تشووف الشاااب تارها طبيعيه بس بعض الناس يخلي من الحبه قبه


خل تنسى هالموضوع وتحذفه من مخها وش راسها صغير ياختي هو بيشوفها ويقز كل شي ء فيها ووالناس ماتخطب الا هي مفصفصه كل شيء بالبنت وممكن تتزوج وتجيب عيال ولا احد تنتبه لهذا الشيء

يابنت الحلال قوليلها لاتقطع نصيب البنت خل الشاب يشوفها وسبحان الله يمكن تعجبه انا راسي صغير بنت خالي تقولي دايما احس راسك صغير اذا لميت شعري يمكن يبان وعادي الحمدلله اتزوجنا كله قسمه ونصيب

الله يفرج هموم المسلمين

في شيء اسمه شوفه شرعيه بس اله يهدي الحريم باقي على عايشين على الوصف وبس

عموماً الراس الصغير من علامات الجمال إلا إذا راسها صغير بزيادة والبنت نحيفة
وجهها نحيف موب عريض
لكن برضه تصرف الأم غلط وفعلا المشكلة في الأم شكلها موب راضية باللي عطاها ربي في بنتها
وحاسة بالنقص أو خايفة من أن أحد يرد بنتها عشان هالشي
فقالت خل أنا أقولهم من البداية عشان مايجرحون البنت أو يجرحون شعور الأم نفسها
ومادامت البنت قدراتها طبيعية فالحمدلله
لاترد عن بنتها تخليهم يجون يشوفونها ومولازم تلم شعرها عشان يبان راسها صغير
مادام حجمه طبيعي والمستشفي ماقالوا لهم شيئ فهو في حدود الطبيعي
وماله داعي تلم شعرها لأنها أكيد ماراح تكون لامة شعرها طول الوقت في بيتها
والحلول كثيرة تقدر تسوي بيرم للشعر وتسرحات الويفي كل هذي حلول تحل الموضوع
مثلها مثل الصدر الصغير مثل المؤخرة الصغيرة كلها لها حلول باللبس
لأنها مشاكل ظاهرية وليست جوهرية
والله يكتب لها الخيرة