وشو الي تكرهينه ان زارك ناس بنفاسك؟؟؟

صح
اطفال
+
عشاء
+
وقت طويل (جلسه طويله )
=
اسوء مافي النفاس

ياعالم النفاس بحكم المريضه حتى الصلاة والصوم ربي مسقطها عنها تجون تغثونها بالساعات كنكم رايحين عزيمه او تتمشون

اكثر شي يزعجني اذا قالو بيتك نظيف وانتي لحالك لاشغاله ولااهلك عندك
يعني بالنفاس يدود البيت مانظفه !!!!
وبعد يبدا التشره علي متى حملتي وحنا مادرينا وانتي داسته !!
بس مع هذا افرح باللي يجي والله اني اقول تعالو ولا تجيبون شى من الطفش اللي يصيبني
والاكتئاب ....

ايه وفيه وحده وش حليلها بس الله يهديها تحب تناظر بالبيت وبالمطبخ وتويق بكل مكان مالها حاجه
بس لقافه ....بس مع هذا ياااااحبي لهم ..

سبحااان الله يابنات احس نفسي عكسكم انا لماولدت كنت انبببببببببسط لما احد ياجي

تخف مني الضيق والله ما اصدق يدق الجرس ههههههه مع ان مامتي الله يحفظها معاي بس ننبسط بجيه الناس

النفاس كااااائبه لاتقدر تخرجي ولاتنبسطي عالاقل تشوفي الناس

الشي الي ماحبيته >> طبعا انا ولدت قيصري

اتذكر جاتني وحده الله يسامحها بعد ماطلعت من المستشفى بنص ساعه والله كنت مكتئبه وخاااايفه من العمليه حتى وربي ماشفت الجرح الابعد 10 ايام من القلق الي فيني

المهم وتسالني شفتي الولاد القيصريه عاليتيوب قلت لالالالا وما بغا اشوفها

قامت تشرحها بشكل مقزز قسم بالله حسيت بضيقه الدنيا بصدري واستحيت ابكي قدامها تخيلوا الي اتذكره من وصفها كانت تقول يشقون البطن من الجنب للجنب يقصون 7 طبقات والممرضات كل وحده تسحب التحه من جه عشان تتوسع وووو كلام كثير نسيه

وربي يابنات كنت اسكتها اقول تكفين غيري السالفه مو وقتها وتطنشني وتكمل

...........

الخلاصه يابنات


اذا زرتي نفاس فحلو ان تنتبهي لعيالك ما يخربوا ويحوسوا عاد المسكينه توها والده مو ناقصه

ولاتتكلمي بأمور معانااه مثلا لاتجيبي طاري طلق عمليه الم خياطه ترا النفاس تتأثر نفسيتها بأي شي

خليك ايجابيه وحطي ببالك انك زايره مريضه قبل تكوني تباركي بالمولود

مثلا قولي ماشاء الله خلصتي من الهم والباقي حبوب مسكنه وانتي مرتاحه واذا شكت لك قد ايش تعبت ذكريها بالاجر انو ان شاء الله انغسلت كل ذنوبها

وووووو الكثير


كمان لاتتعطري كثير قبل تلبسي رشي جسمك بمعطر خفيف وبس

كمان نصيحه اذا بتجيبي هديه جيبي شي تستفيد منه مو بدله اوفستان بيبي من باقي نفاس اختك ههههههه >> صارت لي

اذا ذوقك مو لهناك والله اشوف الفلوس احسن ع ولادتي كل الاشياء الي جاتني جودتها سيئئئئه اتصدقت فيها وحبيت فكره الوحده تحط فلوس بضرف شيك وتكتب عبارات حلو واسمها وتحطها ع صدر البيبي

والله يقوم الجميع بالسلامه

كلللللللللل عادات النفاس عندنا تجيب المرض
تلاقين المملكة كلها تزورك وكل حرمة تدوخك بالنصاااايح كلي ولا تاكلين اشربي ولاتشربين رضعي البيبي ولاترضعينه قومي لاتقومين امشي لاتمشين
احسن سي الوحدة تنفس لحاااااااااااااااااااالها وتلرتاح من هرج الحريم .

اقرف شييييييي سواليف الحريم اللي تزيد هم النفااااااس هم