الملف السادس لبنات المدينة عن المستشفيات والاطباء ملف تفاعلي :)

عفوا اقصد جبت ولد

حمدلله على سلامتك والله يسخر لنا الطيبين ويجعلها تساهيل

ربي يعوض عليك خيرا مما فقدت

شوفي يا قلبي إذا كنت تقصدي إنه الجنين عمره شهرين فقط في بطنك
فأنا أنصحك باللي نصحني فيه الاستشاري هشام اسماعيل بالمدينة الوطني
قالي إذا الجنين أقل من ثلاث شهور عادة يكون كيس الحمل صغير ومايحتاج عملية تنظيف
وأعطاني فرصة عشان يخرج بنفسه لمدة عشرة أيام وإذا مانزل يعمل تنظيف
واستخرت الله
ودعيت إنه يهون علي خروجه بغير عملية
وبس ربي هداني إني أسوي التالي

جربت شاي الاعشاب مكون من يانسون و نانخة وكراوية وشمر وكمون حب كله طبعا مو مطحون
نظفيهم زين بالصفاية وحطيهم ببراد كبير واغلي الموية بالغلاية لما تغلى صبي ع البراد الماي
وغطي عليه تقريبا عشر دقايق ثم عبيه بثلاجة تحفظ الحرارة
وخليه رفيقك
كل يوم ثلاجة
وحطي ع كوب شاي الاعشاب هذه كسرة عنزروت نظفيها وقلبيها بالكوب واتركيها تذوب شوي
وخلي معاك تمرة فقط من غير رشاد وحلي مع كوب الاعشاب عشان العنزروت جدا جدا مر
لكنه مفعوله بإذن الله أكيد وسريع بالتنظيف
في حال كونك سليمة من ارتفاع الهرمونات
وحطي ع بطنك وظهرك قربتين موية دافية

ورح تدعيلي بإذن الله بس لازم بعد مايخرج الكيس تسوي تصوير تتطمني من نظافة الرحم وخلوه من الرواسب

أنا اتأكدت بعدها سويت تصوير عند دكتورة إيمان بدير اللي بالعقالي وقالتلي الرحم ماشاء الله تبارك الله نظيف ولا يحتاج عملية



أما إذا مالك خلق بالطبيعي فسوي عملية تنظيف
عادي جدا سهلة
ولارح تحسي بتعب خروج كيس الحمل ولا ألم ولا شي
وعادة يعطوا قبلها يا تحميلة طلق أو إبرة طلق
وبعد كذا يخدروك ويسوولك التنظيف

الحمد على السلامة ا الحبايب