عمليتي بعد اسبوعين وعايشة حالة رعب ارجو المسااااعدة

حبيبتي لا تخافين النصفي روعه .... انا ولدت مرتين الاولي نصفي .. والثانيه المفروض نصفي بس جتني ولاده مبكره وكنت خايفه علي البيبي ونزل ضغطي وعطوني كامل ... كان عذاب الكامل لايمكن اعيده كنت مره تعبانه واحس بالم مو مثل النصفي يجلس المخدر يومين ماينشال...
الخلاصه في النصفي طلعت اسولف واضحك وشفت البيبي .. وعلي فكره في العمليه كنت فعلا مثل السكرانه بسبب المخدر ..
وفي الكامل طلعت ابكي واتلم ونفسيتي زفت..
والحين عمليتي الثالثه بعد شهرين وطالبه نصفي .. وبما اني في غربه قالت لي الدكتوره احنا مانسوي كامل الا في الحالات الصعبه لان الكامل خطر والنصفي اامن ..
دعواتك لي ربي يقومني بالسلامه ويبعد عني اكتاب الولاده .. ها المره بكون لحالي مافي امي ولا قريباتي .. خايفه اكتاب لان ماعندي احد

ياعمري مره عادي ومره روعه ومريح جدا وانت حتكوني واعيه وحتشوفي البيبي مره روعه اناجربته وانا بكريه وانا اللي طلبته بعد تعسر ولادتي ولا تحسي بشي ابدا الجزء السفلي مخدر تماما يضربوك ابره في ضهرك وفورا يتخدر الجزء السفلي ويبدو العمليه ويحطو ستاره بينك وبين الدكتور وخمس دقايق بالزبط الا وانت سامعه صوت البيبي وتشوفيهم ينظفوه وكل شى وربي مره تطور اللهم لك الحمد الله يقومك بالسلامه يارب

ماشاء الله تبارك الله ألف مبروك مقدما ع البيبي
عزيزتي ترى طبيعي جداااااا تكونين متوتره وخايفه ولو ما خفتي بنقول ذي أكيد فيها شي!!! معقوله ماتخاف؟؟؟. :)

أنا ولاداتي قيصري ثلاث وكلها نصفي ولله الحمد أفضل بكثير من الكامل
وقبل ما أجرب النصفي كنت خاااااايفة مثلك وكأنك تعيدين نفس ذكرياتي
وفرفرت في النت أسأل في المواقع الطبية وكمان سألت طبيب التخدير في المستشفى والكل ينصح بالنصفي وبقوة،،،، وتصدقين من شدة خوفي كتبت وصيتي صباح يوم الولاده :). !!!!
وطبيعي جدا تكونين متوتره خلال العملية لأنك بانتظار أحلى صوت ممكن تسمعينه هو لحظة خروج البيبي وصياحه،،، الله عليها من لحظه !!!! جربيها هذي المره وقولي لنا شعورك.

بعدين ترى ما تدخلين معك بمصحف زي ما اقترحوا الأخوات عشان مسألة التعقيم فاشتغلي بالاستغفار لأنه كما قال ابن القيم يجعل من كل ضيق مخرجا ومن كل هم فرجا ومن كل بلاء عافية

اذا ولدتي تعالي على طوووول علمينا عن تجربتك الله ييسر لك