صباح الخير
خوذوني معكم
كان فيه موضوع مشاركة فيه يجنن مثل كذا اللي تسوينه وقدرتي عليه وتجين تكتبينه يجنن كنا متحمسين بس خسارة اللي ولدت واللي سافرت وانقطع الموضوع لان كان على نهاية المدرسة
ومليت قاعدة بالبيت ويروح وقتي بلا فايدة
ام لولدين واحد باول ابتدائي والثاني بالبيت
وزوجي يشتغل ولايجي الا بعد العصر
ونومي من امس بديت انظمه ابي انام على ١١ واصحى الفجر واذا راح ولدي للمدرسة ارجع انام الى ٩
واصحى وابدا بالجدول
وابي اذا صار بعد العصر خلاص مايكون عندي شغل
لان ابي اجلس اذاكر لولدي الله يعين عليه
ولازم قهوة المغرب
وبعد العشاء الوقت بسرعه يطير يالله اعشيهم وانومهم
عشان كذا فكرت يكون الشغل شوي بس على سنع
يعني كل يوم امسك دالوب واحد من المطبخ او بالكثير ٢ بس انظفهم صح يعني اطلع المواعين واغسلهم وامسح الدالوب من برا وداخل وارجع المواعين
وباقي الوقت للطبخ والغسيل وترتيب البيت اليومي
هذا اللي ببالي لان احس اذا كل يوم اخذت غرفة كامله احس بيروح وقتي وانا ماخلصت واشتغل اي شي بس عشان اخلصه
وش رايكم
وبنفس الوقت اليوم بديت بالرجيم
عاد انا معكم باللي تبون بس اهم شي اتحرك وانجز بدال النوم والقعدة
ارجع ان شاء الله اليوم اكتب وش سويت وبديت فيه
اشوفكم على خير
بنات الي مثلي طفشانه من وقتها مو منظم تجي معي
متابعة النقاش، صفحة 11