ملتقى حواء لبناء بيت الأحلام/إكتفى بالردود

يا ام الخمائل هلا بك شوفي انا مابعد وصلنا لهالمرحلة بس عندي لك نصيحة من اخت لاختها خلي الدولاب ملاصق للسقف او نزلي الجبس للدولاب بحيث مايكون فيه سطح فوق الدولاب مكشوف لانه بتتجمع عليك الغبار ولاتعرفين تنظفينه وصعب ولاتقدرين تخلينه كذا مغبر صح ياترى فهمتي علي :icon10:المسألة الثانية وانا فكر بهالمسائل بس ماجربتها الصراحة بس ناوية باذن الله اطبقها بالنسبة لتحت المجلى انا ناوية ان شاء الله اني اخلي التصريف ورا جدار المجلى يعني افتح فتحة على قد بابين المجلى واسكر مكان البابين يعني مافيه باب تحت المجلى ديكور بس ومن ورا التصريف لان لوفيه تهريب بتطلع ريحة المطبخ شينه ولو صار مشكلة بالتمديدات ماينحاس عليك المطبخ يعني تطلعين بر المطبخ من جهة المجلى وتلقين التمديدات عاد تحطين لها دولاب عن التلف مدري عن راي الاخوات:3_13_12:سطح الدولاب نصيحة اما اللي تحت الدرج مجرد فكرة بس مانفذت واول مرة اصرح بها

بنااااات كل وحده تقول لنا من اي مدينه و فين احسن المحلات الي راحت لها عشان نسفيد فديتكم

انا من حايل

السلام عليكم كيفكم بنات

بنات ان شاء الله بنبدا نبني دور بس والمساحة للارض بتكون تقريبا 450
أبي آراءكم يابنات أنا عندي بنت وأبي رايكم ف عدد الغرف؟
أنا أحب الصالة الكبيرة وشفت مخططات تناسب هالمساحة عبارة عن 2 مجلس -مقلط-غرفة ماستر بحمام- 2 غرفة بينهم حمام-2 حمام ضيوف-مطبخ

ولأني أحب الصالة تكون كبيرة قلت بكنلس وحدة من الغرف--بس عارفة إني بحتاجها بكرة لأطفالي وحاليا غرفة رياضة!
وش رايكم يا بنات؟؟
طبعا مافيه إمكانية نحط شقة مسروقة أبدااا فقط دوور

أبي آراءكم وكيف يكون البيت شرح وواسع بدون أكنسل غرف لأن بعيش فيه عمر

واذا فيه شي مهم ماذكرت ذكروني يابنات
والله يوفقكم يا أخواتي