₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـثامن والعشرون ـღ_‗«Ξ❤Ξ二₪

لا تخافين ولا تشيلين هم ترى بس الاسم اللي يخوف

ولا ماتحسين بشي ابد

الله يتمم عليك ان شاء الله

وحلو منه انه راح يفتحه بالعياده

مع اني ماعتقد سوا حكومي او اهلي

يفتحونه بالعياده ..

هنوده من جدك ,, اجل وين يفتحونه ,, لا تقولين فيها تنويم

أختي أمول اذا حكومي فيها تنويم ويفتحونه
لك بغرفة الولادة واذا شافو مافيك طلق  والرحم
مسكريطلعونك من بكرا وممكن تطلعي على مسؤوليتك ..

واذا أهلي طبعا على كيفك يفتحونه على الأغلب
بغرفة الولادة ويحط ولك جهاز قياس الطلق
وتكشف عليك اذا مافيه طلق والرحم مسكر
راح يطلعونك على طول ..

والله يرزقك بفك ربط وولاده سهله وميسرة ..

مرحبا خواتي مشكورين كل اللي ردوا علي وسوري توني ارد عليكم لان ياطويلات العمر من بعد ماكتبت لكم صارت علوم :( 

المهم قلت ارجع اقولكم وش صار معي .. بعد ماكتبت لكم الموضوع زادت الطلوق عندي وكلمت دكتورتي اللي اتابع معها وهي دكتوره لواء الله يسعدها في مستشفى سعد بالخبر وشرحت لها الوضع وسالتها انتظ لاسبوع الجاي موعد فك الربط  والا كيف وكان الالم عندي منتظم كل عشر دقايق قالت لي تعالي طورائ فوراً وشلت شلايلي ورحت عندهم دخلوني اسعاف وعلى طول ركبوا لي التخطيط حق الطلق ونبض البيبي وجات الدكتوره المناوبه شافت التخطيط قالت لا هذا طلق ولاده لازم تنوييم وفك الربط فوراً بس المشكله انه باقي لي اربع ايام وادخل التاسع ويعتبر البيبي خديج واحتمال يدخل الحضانه عاد انا قلبي بغا يوقف كنت حاسبه اني دخلت على الشريط وموقع بيبي غاغا كنت 36 اسبوع ويومين قالت لا لسه المهههم كشفت علي من تحت وانا اتقطع وقالت مع الربط فاتح 2 سم وجابت العده ويالله بدا الشغل فك الربط وانا اركبي تتصافق من الخوف واترجاها تعطيني بنج ومو راضيه تقول لي انتي بس رخي حالك وماراح تحسي بألم بس الله يسامحها قطعتني من الالم صوت المفك والمقص اااه ياربي بس من جد طلعت روح احس اني مت ورجعت حييت عاد الشغله كلها عشر دقايق او اقل بس كانها دهر وخلصت الفك وقاست لي طلع الرحم فاتح ثلاث سم قالت ماراح اسوي اي تحريض او اي شي لانهم يبغوني اكمل وادخل التاسع بس اذا ولدت من حالي امرهم لله وظليت اعاني واطلق لامس ووصل الرحم 4 سم ونص لامس بالليل بدات الالام تخف والرحم وقف عل الاربعه ونص ولليوم الصباح جت الدكتوره وكشفت وقالت الوضع مستقر من امس والتأمين مايغطي لي غير هالثلاث ايام فسجلت لي خروج وطلعت بس مرعوبه خايفه اني اولد بالبيت وهي قالت لي اول ماترجعي تحسي بالم تعالي فوراً بس انا خايفه ما الحق اوصل للمستشفي .. والحمدلله علي كل حال وكل ما اتمناه منكم دعوة في ظهر الغيب والله يأجرنا ..

بنت خالتي جابت تسعه كلهم قيصري
الحوض صغير عنده

ويختلف من شخص لاخر كل وحده وتحمل الرحم عنده

كم تجلسين باالسرير
كل مااتحركتي اسرع باالشفاء
طبعا حركه خفيفه

لا لاتحملين بعد ثلاث شهور كل ماتاخرتي احسن