هلا بالجميع .... الله يرزقكم الزوج الطيب الخلوق وتعيشون في هناء وراحه طول العمر يارب.. اما بالنسبه لموضوع الخطابه .. عندي نصيحه للاخوات واتمنى تتحذرون من هالموضوع شوي.. يا بنات ترى اللي يبغي يوفق بين راسين بالحلال له بيت في الجنه ... يعني جزاه محفوظ عند رب العالمين .. مش يطلب فلوس 5000 او 10000 هذيل اسمهم نصابات مش خطابات يعني المسأله كلهاتجاره في تجاره... ولها اسامي ثانيه بس ما احب اكتبها وانتوا فاهمين قصدي...والمصيبه انه الحين منتشرين عندنا في الخليج حريم من جنسيات عربيه مش من نفس البلد وتحصلينها داخله بفيزة زياره ما صارلها سنه وتمارس مهنة الخطابه تجمع من وراءالعالم وبعد كم شهر الشاب يطلق البنت.. وتطلع السوالف الشينه عنه....هذي شو عرفها في عاداتنا وتقاليدنا وطبيعة هالشاب وشو من بلاوي يسوي.....بصراحه انا حبيت احذركم من اللي صار لصديقتي روح بالروح اتزوجت عن طريق خطابه في دبي... وللعلم الخطابه مواطنه بعد ... وخذت من مهر البنت 5000 درهم ومن ورااء صديقتي بعد طلبت من المعرس 10000 درهم يعني عيني عينك نصب... وقالت لكل واحد منهم لا تخبر الثاني... وتزوجت البنت من الضابط المحترم اللي سمعنا اساطير عنه من عند الخطابه... تخيلوا بعد شهرين طلع الاخ متزوج وزوجته في إماره ثانيه غير دبي, وعنده 9 عيال ماشاءالله.. باقي اثنين بيسوي فريق كرة قدم... والبنت بلعة السالفه وما واجهته بس كلمة الخطابه قالت لها انا ما ادري.. خلاص يعني مالي شغل فيج الفلوس انا خذتها... وتحملت المسكينه الصدمه لي ما جتها الصدمه الاكبر تخيلوا شو............... ياليت طلع هالشخص يشرب خمر او يدخن او .... الخ..... يمارس اللواط مع الرجال .... البنت شافت تصوير في جواله هو مع شباب انصدمت الفقيره واجهته قال لها هيه انا متزوج وعندي عيال واحب امارس هالشي وانتي مجرد زواج متعه خذتج لاني منقول دوره في دبي فترة سنه وما اقدر ارجع كل يوم المنطقه اللي فيها زوجتي لانه بعيد.... وانتي البديله... ياليت تتحذرون وتفكرون في هالشي مليون مره وتسألون انتوا بأنفسكم عن العايله والشاب مش خذوه فغلوه... الله يوفقكم جميعا
اختكم العيــــــــــــــــــوز:26:
ياليت تساعدوني ابغى خطابه!!!!!!!!!!
متابعة النقاش، صفحة 3