مقهووره احجز اروح لاهلي ولا اتنازل واكلمه ....

حبيبتي انت مو فاهمه انا عارفه ايش قصده بحركته انه هو يسوي ويطبخ ويسوي اموره عشان بعدين يمسكها علي. عند اهله .لو صار اي شي بعدين ..

ومساله العفش قصده خلاص كلان يروح بطريق...قصده روحي لاهلك ...

وانا عارفه كله بيخوفني..انه يتركنا ..

وحكايه نوم الاطفال فهمت الين مانشف
حلقى مو راضي يفهم ...

يعني ماكلمه اسكت عنه....وربي مادرى وش اسوي فيه جنني

ما حبيت اطلع بدون ما احاااول اني افيدك ولو ان مهما اقترحنا انا واخواتي بالمنتدى بتظل مجرد اقتراحات وانتي اللي عايشة الوضع قلبك بيكون دليلك للصواب

انا اشوف انك تحااولي انه تنامين وقت نوم زوجك وتعودي اطفالك ينامون معاه بنفس الوقت

زوجك ردة فعلة تقريبا ناتجة عن تأنيب ضمير بعض الرجال تانيب الضمير عنده يعمل بطريقة عكسية بدال مايصلح يزييد يخرب ولكن تبقى بقلبه غصه بسبب غلطته واللي بسبب مجتمعنا اللي ما علمنا فن الاعتذار تصير مشاكل مالها حصر

حاولي اذا صحي تعبرين بكل وضوح عن حزنك وانه جرحك جرح عميق ولو انك ماتحبيه ماكان فعله سبب لك الحزن بهالشكل قبل كل شي امدحي افعاله الايجابية اللي يسويها لكم

تعلمي تمدحيه كثير بالأشياء اللي تبغيها تتعدل فيه ... مثلا اذا مر يوم وما صحاكم بطريقة سيئة

قولي له شكرا حبيبي اكيد انك عرفت قديش تعبوني العيال وقلت تخليني ارتاح ماتعرف قديش فرحت وارتحت مع اني لسه محتاجه انام زيادة ولكن صحيت لانك وحشتني واشتقت لصوتك :)

عبري عن حبك له ومع الايام فعلا بيصير مثل ما تحكين عنه وبتصيري تحبيه ولوغلط بتسامحي بقلب راضي وجربي يااارب تنفع
اما تروحي لاهلك بتزيدي الطين بله

والله اعلم

مقدرة وضعك والله يعينك بس لاتجيبين،طاري الروحة لاهلك ازعلي ببيتك احسنلك مصيرة يمل ويطفش وفهمية اذا قوم العيال يتحملهم وانك بتنامين لخد ماتشبعين وانك محتاجة للراحة لتقومين بواجباته والبيت

حكاية انك تروحي لاهلك شيليها من راسك لانو لو كان مو حاس بغلطتو ماكان باسك على راسك
الوقت الحالي طنشيييه لا تتكلمي معاه ولا كلمه اكله ملابسه نظافة البيت كلها خليها على اكمل وجه هو جمدييييه ولا كانو موجود بس لو جاكي واعتذر حطي حد لكلامو انو مايبغاكي قولي جرحتني وان شاءالله الله يسخركم لبعض

المشكله لو سويت كل شي وطنشته ولا اكلمه ماراح يفتح فمه ويتنازل يتكلم بجلس على هالوضع اسبوع اسبوعين شهر ماراح تفرق معه باكل ويشرب على الجاهز ...وانا الي اكلها بنفسي