ملتقى حواء لفن التصميم الداخلي والديكور/قديم

هلا اموله بغيت افكار الخزائن تحت الدرج اذا كان عندك صور حطيها وأبي اسالك عن مدخل الرجال فيه على اليسار مجلس الرجال واليمين الحمام والمغاسل وإمامك يوم تدخلين جدارعرضه اربعه متر يتوسطه باب مقلط الرجال ينفع احط الجدار بالكامل حجر مع أضاءت من فوق لان ما فيه مجال احط طاوله وفوقها مرايه واذا كان عندك افكار ثانيه. دليني عليها ادري كثرت طلباتي بس مبتلشه مع البيت الجديد عقبالك وعقبال بنات حواء الحبوبات. ولك مني دعوه طيبه في ساعات الاجابه  

تسلمين يالغلا على الطاولات الله يعطيك العافية

طيب يالغلا انا عندي غرفة المعيشه فيها شباك و وفيها باب البلكونه وكل واحد في جهه
ولون الغرفه رمادي والكنب بنك على فضي محتاره ايش احط الستايرقماش ولا شرايح
انا احس القماش حيكتم الغرفه
ايش رايك

هذا نفس درجه لون كنب صالة المعيشة عندي
بس لسى محتاره في الستاره هي شباك وحيد
بس ابي شي فاتح لانو عندي اطفال
وكمان الموكيت عندي مشجر
ابي موديل ستاره والوانها لان الواني رصاصي واحمر

ألله يعطيك العافية على الصور والأفكار والمساعدة ويجعله في موازين حسناتك بغيت استشيرك في موضوع الأرضيات الباركيه أحسها مرة حلوة وفخمة وتعجبني جدا لكن لو أبغى أطبقها على أرض الواقع لأن أحنا في مرحلة التشطيب وزوجي يقول الباركيه ماهو عملي ويتعفن ويتنفخ اذا انغسل او انمسح بالمويه ودي تعطيني معلومات وافيه عنه ومميزاته وعيوبه وهل تنصحيني فيه اركبه في كل البيت ولا فقط غرف النوم والممرات الله يرقك ويوفقك ومعليش اذيتك وازعجتك لكن من جد محتاجة مشورتك