صديقتي ماتتحجب :(

السلام عليكم ورحمة الله وبركاته


بنات عندي صديقه من ايام الاعدادي لكن المشكله انها غير متحجبه!! واحيانا تتوضى وهي حاطه مناكير؟ مع اني نصحتها وقتلها ان هاي خطا وحرام ولكنها ماتهتم؟

المهم اني بايام الاعدادي والثنوي ماكنت ملتزمه كثير ولكن من عقب الثنوي صار لي موقف جعلني التزم واتقرب من الله الحمدلله الحمدلله

وسمعت العريفي يقول ان احنا لازم نتخذ اصحاب يعينونا على طاعة الله وبعد قريت انه المرء يحشر مع من يحب يوم القيامه وان اصدقائك بالدنيا هم اصدقائك بالاخره فـ بصراحه خفت...

انا راح احاول انصحها باذن الله لكن اذا ماسمعت لنصيحتي هل خلاص اصير اتجنبها؟

مع العلم ان احنا بنفس الجامعه ونفس التخصص فاحيانا بالصدفه نطلع مسجلين نفس الماده فمراح اقدر اتركها نهائي

مع العلم انها مسلمه واحنا ببلد مسلم وتعرف ان عدم لبسها للحجاب حرام وتعرف عن عذاب القبر ويوم القيامه

انصحوني بنات ايش اسوي احس اني بضيقه

6 تعليق 688 مشاهدة

شاركي في النقاش

سجلي الدخول لإضافة تعليق.

التعليقات

6
  1. لا تيأسين اذا تحبيها استمري في النصح وروحي اتصدقي عنها وعنك وقوليلها اذا خلاص ماعاد ينفع معها قوليلها ان انتي تتصدقي دايم عنها كذا بتحس بمحبتك لها وانك تبين الخير بنصحك
    وكمان اذا انتي حابه اكفلي يتيم عنك وعنها بتبرع ليتيم كأنك كفلتيه وقوليلها واعطيها كتب واشرطه ولاتجبريها خذيها بالنصح والكلام الطيب
    الله يهديها وينورلها طريقها
  2. @shfth_bfrh

    اكثري الدعاء لها بالهداية
    وقولي لها ان المرء يحشر مع من يحب يوم القيامة
    وانك تتمنين تنحشرين معاها بالجنة وان الحجاب واهمال الصلاة بالمانيكير او اي شئ تشوفينه فيعا غلط يجعل بينك وبينها حاجز وانك حابة تدخلون مع بعض الجنة مو تدخلين معاها النار
  3. @bright_mind

    صاحبة الموضوع
    نصحتها والله :(
    حتى تقول ان امها وابوها يبونها تتحجب بس هي ماتبي...
    ان شاء الله راح اداوم على النصح والدعاء لها

    بس ودي اعرف ايش حكم اتخاذ شخص عاصي كصديق؟
  4. الله اعلم ايش الحكم بس يااختي تكفين لا توقفين نصح لها ولا تحسين بالملل في ناس الله يهديهم ينصحون مره او مرتين ويطفشون خلك دائما تنصحينها اذا كنتي تحبينها بس بالاسلوب الطيب عشان ماتعاند وتزيد المعصيه وبعد فتره راح تستحي منك ومن اسلوبك وتخاف الله سبحانه وتتحجب انا مجربه والحمدلله اللي نصحتها صارت تتغطا
    الله يهديها ويصلح بالها....
  5. @bright_mind

    صاحبة الموضوع
    رفعتي معنوياتي جزاك الله خير ...
    ان شاء الله راح اواصل بنصحها ومراح اوقف لاني اتمنى لها الخير والله
    يارب اهديها .. ادعولها بناات

تابعي تجارب أخرى من هذا القسم.