السلام عليكم ورحمة الله وبركاته
اتمنى من كل وحدة حكيمة ولها خبرة في الحياة الزوجية ترد علي بشوف مين الصح ومين الغلط لاني خلاص معد صرت اعرف شي كل ما اقول لاحد المشكلة يقعد ساكت ولا يرد علي
القصة ياحلوات في يوم من الايام رن جرس الباب وانا وزوجي كنا نايمين قام زوجي وراح يفتح الباب المهم الا جاي ويقولي جاراتكم بيجون الحين يزورونك وكان وقتها ظهر يعني بيجون العصر وانا قلت لولدهم الصغير الله يحيهم!!!!!! قلت كيف تقول للولد خلهم يجون بدون ماتاخذ رايي!!!! كان قلت للولد لحظة بنادي الحرمة او على الاقل قبل لاتعطي كلمة تعال واسألني يمكن اكون تعبانة او ماني مستعدة وصراحة انا وحدة ما احب احد يزورني الا معطيني اتصال قبل لايجي بيوم او يومين عشان استعد ما احب استقبل احد فجاءة ..... على فكرة( جيرانا تونا ساكنين عندهم في العمارة يعني ما اعرفهم بسلامتهم ) المهم المشكلة كبرت بيني وبينه ورحت لبيت اهلي ومعد صرت ادري عن الجيران العزيزين وانا الآن ودي اعزمهم بس احس زوجي حطني في احراج معهم وللحين اتذكر ذي السالفة ومو قادرة انساها واخاف بعد سمعو صوتنا وحنا نتهاوش ياربي الحين وش يقولون عني الحين اكيد يقولون هذي وحدة مو صاحية وقسم بالله اني برئية بس كله من زوجي حطني في موقف محرج وسخيف بسببه
يلا انطلقو بالردود ترا عادي اتقبل اي شي بس قولو مين فينا الغلطان وكيف اعتذر من جاراتي احسها للحين حازة ذي السالفة في خاطري :06:
شاركي في النقاش
سجلي الدخول لإضافة تعليق.
التعليقات
49- عادي اعزميهم واذا حضروا اعتذري لهم وانه جاك ظرف وطلعتي من البيت ونسيتي تبلغينهم ،،،
- ولا تزعلين مني إنتي الغلطاااااااانه كان فوتيها لزوجك وبعد ماتروقين
تتفاهمين معه بهدوء وتقولين له المره الثانيه الله يرضى عليك عطني خبر قبل تقولهم شئ
بالتفاهم والهدوء كل شئ يصير ماله دااااعي تكبر المشكله وهي تاااافهه وتوصل للصوت العالي
وتوصل تروحين لأهلك لا يا قلبي لازم تعودين نفسك على الهدوء والتصرف بحكمه مو عند أقل شئ
يطلع حاصلها الوحده الله يعينك على الدنيا إذا موضوع مثل هذا رفع ضغطك
يا ما تصرفو الرجال على سجيتهم ماعندهم على وجيههم ....
على العموم الجيران إعزميهم عندك ولا كأنه صاير شئ وخليهم يشوفون شخصيتك وطيبتك
ومو بالضروره تعجبينهم يا ما جيران شلناهم بكفوف الراحه ومع ذلك مو متقبليننا ....
والأهم من ذا كلللللله تعاملك مع زوجك راجعي نفسك وعدلي من سلوكك لمصلحتك
وإضافه ثانيه تقولين كل من قلت له عن إلي صار ماعنده رد !!!!! برضو يا قلبي مافيه
داعي كلن يدري عن مشاكلك مع زوجك وإختلافاتكم خلي أموركم بينكم
متى يطلب تدخل الأهل إذا صارت مشكله كبيره وتعذر حلها بين الزوجين يتم تدخيل الأهل
بينهم إنتبهي لهنقطه .... - طبعا انتي الغلطانة .... سويتي مشكلة من لا شيئ ... هو ما غلط بشي لما قالهم تفضلو كان ممكن تستقبليهم عادي وتعتذري انك مش مستعدة وخلاص ...
- ماادري حبيبتي لكن بما انهم اول مررره يزورونكم طبيعي ردت فعل زوجك واكيد خجل منهم وماشووووف انك تلوووومينه لانه مايعررررف في هذي الامور المسكين يعني لو انك محفظته الدرس مسبقا صدقيني ماراح يغلط ابد اسئلي مجربه وبعدين الجيران لو جوكي اول مررره قهوتهم وشاهيهم معهم يعني يادوب تنظفي بيتك وتبخريه وتلبسين انا وجاراتي ماااابينا هذي الرسمياااات ابد
- انتي غلطة اكبر
بعض الأزواج ما يفكرون وهذا خطأ بس عادي كان مشيئتي الموضوع ولا كبرتيه ما يستاهل
اعز مسهم وبيني انك تحبين تدرين قبل عشان تكرمينهم اكثر
وبس
مواضيع مشابهة
تابعي تجارب أخرى من هذا القسم.