شاركي في النقاش

سجلي الدخول لإضافة تعليق.

التعليقات

24
  1. اكبر غلط يتعود الزوج على بعد زوجتو والاحظ دي الفترة موضة كل ما مل الزوج من زوجتو ولا يبغا ياخد راحتو بالسهر يشيل زوجتو وعلى بيت اهلها
    حبيبتي لا تعودي زوجك يبعد عن مخدتك صدقيني الشيطان شاطر
    انا اخر مرة نمت عند اهلي لما سافر عشان شغل اسبوعين وكان قبل 9 اشهر والمرة اللي قبلها قبل 5 سنين وانا نفاس مستحيل انام برا بيتي
    اعرف بنات معودين رجالهم كل كم اسبوع تروح لاهلها وفجاة بطلو الزوج اتضايق تخيلو وهو بنفسو صار يقولها ليش ماتروحي لاهلك لدي الدرجة صارت ثقيلة عليه
    على فكرة رجال الايام دي ماينوثق فيهم صدقيني
    واكيد يبغاكي تروحي اخر الاسبوع في وقت اجازتو دا الغلط كمان سهر وماتدري ايش يعمل لا تقوليلي موسوسة لا والله المنتدى مليان تجارب للبنات وقصص ياريت تتعلمو
    الصراحة ماعمرنا سمعنا امهاتنا اخدو اجازة من ابهاتنا وراحوو عند اهاليهم والله حتى بنفاسهم في بيوتهم
    اذا اهلك بيوحشوكي روحي عندهم من العصر لليل بس مالو داعي النوم
  2. @nhal2012

    احسه يومين كل اسبوع او يوم كل اسبوع كثيييييييير

    اسهري معهم واذا خلص من أصدقائه خليه يمرك

    اما وقت إجازته تنامي عند اهلك احسها مؤ حلوه ماهو في صالحك ولا في صالحه
  3. خزآمى
    عادي يمكن قصده تجديد ومنها تشتاقو لبعض وكمان خليها يوم اربعاء روحي اهلك زياره ونامي الين الخميس في الليل يجيك تطلعو تتمشو وما اشوف فيها شي بالعكس حلو حتى نفسياتكم تتغير ونصييييحه لاتكثري خليها كل ثلاث اربع شهور مره لانو لو زودتيها اكيييد ب…
    اي اشتياق لبعض وهو دايما بيسهر برا يعني مابيجلس معاها وطول الاسبوع دوام
  4. تصدقي شي انا ببداية زواجي كنت ابات عند اهلي كنت هبلة وغبية لحد ما وصلني كلام ويومها اتصلت خالتي عليا تقولي انتي فين قلتلها انا عند ماما قالتلي طيب الفترةاللي بعدها كنت دايما مخاصمات مع ماما لا تنامي عندي مالو داعي من دا الكلام كنت اعصب ما ادري ايش الهرجة بعد كم سنة قالتلي تقول انه واحدة من قرايبنا شافت زوجي في السيارة معاه واحدة واتصلت بخالتي وقالتلها وخالتي اتصلت تتاكد انا البنت او لا
    طبعا انا رحت لزوجي وسالتو حلف يمين ماعمره طلع بنت في سيارتو ولما استرجعت الفترة ديك اتذكرت انه خالتو الصغيرة اصغر مني كانت في بيتي عنده وهيا اللي كانت معاه
    يعني موضوع مالو داعي حتى لو فهمتهم بيقولو بالف الموضوع عشان اغطي على زوجي تعرفي تفكير الناس كيف وما استبعد لدا اليوم بيتكلمو في الموضوع دا ويقولو اني هاملة زوجي
    لا تفتحي على نفسك باب مالو داعي
  5. مادخل النوم عند الاهل في قرب او بعد الزواج
    اعرف وحده تجلس عند اهلها 3 شهور وزوجها خاتم في اصباعها ولو يجي زيارة يصير سواق ليها ولاهلها
    واخواتها بالاسبوعين يجلسو وكل ازواجهم طيبين ويسمعو كلامهم ويخدمو اهلهم وعادي

    وفي ناس اعرفهم مايروحو عند اهاليهم ولاصقين في ازواجهم والمعاملة سيئة ومشاكل
    الخلاصة ظروفك غير ظروف الناس وشخصيتك وشخصية زوجك غير عن الازواج الثانية

    انت ادرى بظروفك ورتبي حياتك على اساساها

تابعي تجارب أخرى من هذا القسم.