السلام عليكم خوياتي
ابي منكم معروف بعد الله انك تقولولي كيف اتصالح مع ابويه
صح انك بتبدؤن في النصائح في بر الوالدين بس انا ماغلط عليه ولا جت عيني في عينه
القصه ومافيها اني ولدت ورحت اتنفس عند اختي وهو قال لأخواتي يقولو لي اذا ماجيت اتنفس عندهم لااقول له يبه مره ثانيه مو على شانك عشان لا نصير علكه في حلوق الناس
وسبب اني ماتنفست عندهم امي الله يعطيها العافيه من الحريم اللي يحبون الشكاوي و التذمر تكبير الأمور وتحاسب في الأكل والشرب وماتحب الضيوووووف ابد وانا اهل زوجي كثيرين وبيني وبينكم تنفست عندهم باللي قبل ذا وسمعها زوجي وهي تشكي لجارتنا التعب والهم اللي هي فيه من وجودي عندهم انا وعيالي فحلف اني ماعد ااجيهم بالنفس تخفيف عليهم
وابوي لا تقولي له شي من شأن امي هي صح واحنا غلط مهما صار
انا ماهمي الا ابوية كيف اراضيه لأنه زعلان بالحيل وماقد تجرئت ورحت له من يوم ولدت ايش اقله اذا قالي ليش ماجيتينا
رغم انه قبل كذا ارسلت له رساله وقلت له انكم صرتم كبار وعيالي يزعجوكم وامي ماعد تتحمل الضيوف والدخله والخرجه وانا مارحت بعيد عند اختي -وهذي راحتي انا وزوجي وهو يبي كذا لأن شغالتها كويسه --راح بعدها يرسل رساله بالجوال لزوجي قال لازم تجيبهم
ارسل زوجي له رد وقال ان الأفضل له ولأولاده بقائي عند اختي وان ذا رغبته
زاد وعصب ومشكلت ابوي الله يعافيه انه دكتاتوري ويحب التحكم والتسلط من زماااان مو معطينا حريتنا مع ازواجنا يبي يمشي كل شي بأمره فما عجبه انا ماسمعنا شوره وجيناه ركض وامي الله يصلحها تزيد النار حطب ماتقصر هي من اول تموت في ذا الأمور
هاه قلولي قد قصيت لكم قصت حياتي
كيف اراضيه :44::44::44:
تعبت وانا باقي نفاس لي 3اسابيع ورحت بيتي من 2يوم انتظر اراكم
شاركي في النقاش
سجلي الدخول لإضافة تعليق.
التعليقات
39- ياااااعمري الله يعينكم انتي في تعبك ولا هم زعل ابوك
انا اقول لك روووحي لة وخذي لابوك وامك هدية بسيطة وقولي هذا
من المولود والكلالالام راح يجي ونفس كلامك مانبغا نزعجك ونتعبك انتي وامي ومن هالكلام
وان شاءالله يرضئ عليك بس نصيحة لاتتطولين رررروحي لهم باقرب وقت
والحمدلله علي سلالالالالالالالالالالالالامتك - ياحبيتي نصيحتي لك
صلي ركعتين الحاجه
وادعي في السجود ان يلين قلب والدينك
وتوكلي على الله وروحي لهم
وخير الامور عاجله
يعني في اسرع وقت
واكثري الاستغفار وانتي في الطريق
وبإذن الله راح تنفرج ثقي بالله - الله يسعدكم ويخليكم حبيباتي
- والله الصراحة مابا اجرحك بس مامعاك حق تتنفسين عند اختك
وبيت امك وابوك فية , وترا اغلب الامهات كذا يعصبون وماينلامون
يتعبون << امي اجيها يوم من الاسبوع تعصب وتخاصم عشان
اولادي أذين وشقاويين ويلعبون بالبيت يقلبونة فوق تحت بس فديتها
مااخذ بخاطري منها بالعكس اقولها لاكبروا يفيدونك ومن هالكلام ..
<<<< بس الشي هذا صار وخلاص
المهم حاولي تراضينة روحي لهم بوقت يكون رايق فية وبوسي راسة
وتأسفي منة واشرحي لة ليش ماجيتيهم , واهم شي لازم تكونين
لوحدك معاه مامعاكم احد ..
الله يسخرة لك يارب ويرضى عليك - غريبه ابوووك هذا تفكيره
احس تفكيررر الحريم كذا مو الرجااال
ونصيحه لك ياأختي
اتنفسي ف بيتك وريحي رااسك خذي لك شغاله بالايجار
وحتى لو مافيه شغاله
ربي بيعينك ولاتجلسي ف مد وجزر
مافيه زي بيت الوحده يسترهااا بزينها وشينها
ومالك ومال وجع الرااس
وروحي عند امك وابوووك وحاولي تراضيهم
وانتي سويتي اللي عليك
رضيوا
ويلا انتي ماغلطتي ولاعقيتيهم
اهم شي انك رحتي لهم
مواضيع مشابهة
تابعي تجارب أخرى من هذا القسم.