زوجي والتحشيش ساعدوني عسى ماتشرق وتغيب الشمس الا وربي فرج همومكم

الله يساعدك ويكون بعونك ,

مو عارفة وش اقولك بس راح ادعي لك ربي يفرجها عليك ....

حبيبتي لاتصبرين على الادمان الا الحشيش هو اللي خرب بيتي ويتم اعيالي وانا حيه ولانفعني محاكم والا اهل ولاغيره ماغير ربي ادعوه يخلصني من همي او ياخذ ابوعيالي وارتاح وهو بعد يريح الكل من شره كان فى اول حياتنا انسان كويس لكن بعد الادمان الله اعلم بحالي وصبري والنهايه فقد عقله وبغا يذبحني لكن ربك لطف بس لانه عرف اني بلغت عنه زوجك لسه فى اول الطريق حاولي تنشلينه لو تهجون مدينه ثانيه وكلمي اي احد تثقين فيه من المشايخ لان الاهل للاسف مايساعدون اذا من اهله مثل اخوزوجي بقوله وبيبهذلك واذا من اهلك مصيبه ثانيه وحاولي تودينه طبيب نفسي او مستشفي الامل وخذي تقرير طبي انه متعاطي علشان الله لايقول تظمنين حياتك اذا انتكس مثل ماحصل معي وماعندي اثبات انه مدمن من اي مستشفى والله يوفقك ويبعده عن ذا الطريق اللي كله جنون وخراب اسر

الله يعينك
انا فاهماكي و الله عذاب

اولا الله يكون بعونك

حبيبتي مابي اخوفك بس الحقي زوجك قبل الحشيش يضر بمخه لان سبحان الله كل خلايا الجسم تتجدد الا خلايأ المخ

والحشيش معروف انه يقتل هذي الخلايا مع مرور الزمن ويصير زوجك مايتحكم بتصرفاته ويصير خطر على حياتك .. وحياته

كنت اعرف ام ولدها مدمن حشيش ومخدرات وكله تخيلي انه من كثر الادمان قتل امه ؟!

ترا الي يتعاطي ويحشش وغيره يدخل في حاله ماحد يعلمها ممكن يسوي اي شي غلط لان عقله مايتحكم فيه

ماقول هذا الكلام من راسي لا كلام دكاتره وانتي اقري بالنت واسألي اي طبيب بيقولك كذا واكثر


الي عليك تسوينه انك اولا تبلغين الهيئه عن الي يروج وهم راح يمسكونه دون مايكون لك اي دخل بالموضوع ولا يجيبون سيرتك هم يمسكونه بطريقتهم وزوجك مراح يعرف انك انتي الي علمتي بيقول اكيد روج لناس وكفشوه ...

اهم شي لاتسكتين على هالوضع لانك كذا تدمرين زوجك ونفسك ..

واذا مسكو المروج خلي زوجك يتعالج ... او راقبيه المهم يبعد عن هالاشياء

نصيحه من اخت لك والله يهديه ويوفقك ..