السلام عليكم ورحمة الله وبركاته
الله يجزاكم خير بغيت مساعدتكم انا ساكنة في شقة صغيرونة مافيها غرف كفاية كلها غرفتين وصالة غرفة للنوم وغرفة مجلس
الحاصل انه عندي اغراض كثيرة متنثرة في كل مكان وكل فترة اشيلها واحطها في مكان مادري وين احطها بتسالوني مثل شنو هالاغراض
بقولكم مثل مكنسة الكهرباء مرات في المطبخ ولاجيت اشطفه اخاف يجيها ماي وتخترب وارجع اطلعها بالصالة وطاولة الكوي وماكينة خياطة وشنطة كبيرة فيها ملابسنا الشتوية وبطانيات كبيرة
ومفارش ديباج يمكن اثنين كباروهذولا مكيستهم وفوق دولاب غرفة النوم مخربين المنظر وفيه تحت السرير شنطة فيها ملابس للسهرات مالبسهم الا وين ووين ومكواة بخار صغيرة ومكواة عادية
بالله عليكم شوروا علي وين اوديهم ويارب تفرج علينا وناخذ شقة كبيرة آمين
وعسى كل من ترد علي الله يفرج لها ويوسع عليها ويجزاها كل خير يارب العالمين
شاركي في النقاش
سجلي الدخول لإضافة تعليق.
التعليقات
26- سوى لك دولاب في احد ممرات البيت وخليها كبير وطويل وشكله حلو ..
وكمان استعملي اكياس الضغط مره مريحه ..
وطاوله الكوي بغرفه النوم .. - اللي اقدر افيدك فيه
اذا كنتي بالدور الثاني ومدخل شقتك لحالك
حطي الاغراض الزايدة عند باب السطح ( بيت الدرج) - نفس رئي اطياف
- اطياف وحبيبة نواف الله يجزاكم خير ويوفقكم
اكياس الضغط مستخدمتها في الملابس الشتوية وحاطتها في الشنطة الكبيرة اللي اقولكم بالصالة
لكن مافكرت للديباجات بحاول ان شاء الله اول طلعة اجيب اكياس ضغط كبيرة للديباجات واحطهم تحت السرير
بالنسبة للدولاب فكرة حلوة اذا تحسنت الاوضاع الماديه شوي ان شاء الله على الشهور الجاية
ربي يفرجها علينا وعليكم
بالقلب ذكراهم ربي يعطيك العافية ويجزاك الجنة عالمساعدة
المدخل مشترك وتحتنا عايلة كبيرة ومساكين هم بعد نص اغراضهم في بيت الدرج اللي تحت
يارب ترحمنا من الايجارات ويصير لنا بيت ملك ثلث الشعب السعودي ساكن في ايجارات ربي يعين - والله ياختي انا مثلك بيتي بس غرفتين وحده نوم وحده جلستنا وغرفه المجلس عندي طبعا البيت فاضي اي اغراض ما استخدمها على طول اطلعها بس مشكلتي العاب عيالي اثنين زاحمه المكان مرات هنا ومرات هناك نفسي ادور طريقه ارتبهم فيه ماعندي مكان اصلح فيه دولاب ممر ضيق تفتح فيه الغرف ولالعاب مستحيل يتخلون عنها سياكل وزلجات و و و و ما تنخبا
مواضيع مشابهة
تابعي تجارب أخرى من هذا القسم.