افضل كريم اساس للدوام

السلام عليكم

كيفكم صبايا ، عندي استفسار عن افضل كريم اساس للدوام . أنا ماودي استخدم كريم اساس علي الصباح لان بشرتي دهنيه و فيها حبوب و أخاف مع الشمس تخرب بشرتي و أنا مؤ ناقصه و بنفس الوقت نفسي اطلع بشكل حلو . دلوني الله يجزاكم خير علي افضل نوعيه و لا تخرب البشرة

21 تعليق 21,202 مشاهدة

شاركي في النقاش

سجلي الدخول لإضافة تعليق.

التعليقات

21
  1. @shms_alaasryh

    مافي ماركه معينه تناسب المكياج الصباحي
    كل بشره وشنو يناسبها حسب اللون والسحنه والعيوب والعمر
    برجوا هيلثي اللي يمدحونه البنات انه خفيف وخفيف صراحه خرابيط
    ماكأنك حاطه شي اقرب للمرطب اذا بشرتك مافيها اي عيوب وصغيره بالعمر
    يناسبك احسه يناسب اختي اللي بالثنويه او لو باحط مكياج للبيت .
    ماكس فاكتور من السايت كله اللي عندهم ممكن واحد اللي يناسب بشرتك
    هالماركه غريبه بالتصنيع لو تقلب لانتاج البويه والصبغ اصرف
    الوان ماتناسبنا ولو بالمحل ناسبك ترجعين البيت بمقلب مايناسب
    كثير كلو مقالب البيض والحنطيات والسمر من هالماكس فاكتور
    <<< احقد ع النصابه جويل
    ميبلين للان اشوفها حلوه .. ماك ياسلام .. بودي شوب وجيفنشي لايعلى عليهم
    اعتقد الوحده لما تبي مكياج للدوام تقصد خفيف ومو غالي
    على اساس انها للسهره تستخدم شانيل وقيرلان وديور ؟!
    كل الماركات تقدرين تستخدمينها ليل ونهار بس تحكمي بالكميه
    و اهم نقطه استخدام الواقي الشمسي المناسب + البيس اللي يحمي بشرتك
    من الاساس .. عشان ماتتعب بشرتنا خاصه انه يوميا نحط للدوام .
    في شغله كنت اسويها ايام عيوب بشرتي احط واقي شمس ثم بس نقط كونسيلر
    على الهالات و الاثار اللي مزعجتني ثم مسحه بودره على كامل الوجه وياسلام احلى طله للصبح .
    موفقه

تابعي تجارب أخرى من هذا القسم.