الموضوع مغلق

زوجي شاف "...." وكرهني خلال 10 ثواني!!! تكفووون وش الحل؟؟؟>>استوفى الردود

السلام عليكم
انا ولدت ولله الحمد وتعرفون الحمل يترك اثار..
اهمها التصبغات اللي بالجسم..
مثل الرقبه والابط واماكن ثانيه..
اللي صار اني رجعت لبيتي بعد النفاس..
وزوجي كان طاير فيني اول 3 ايام
حتى شغل البيت يسويه عني ماشاءالله..
لكن اليوم صارت الصدمه..
من صحيت وزوجي يتبسم ويدلعني..
وتغدينا وجلسنا نضحك ونسولف..
وقال لي بعد المغرب اباخذك ونروح نشري عربيه للبيبي..
وفعلا لبست ولدي وصليت وهو يضحك ويسولف..
الا رفعت يدي الم شعري.. وكنت لابسه كت..
واول ماطاحت عين زوجي على ابطي قلب 180درجه!
انا حسيت ومابينت.. وقلت له ها حبيبي نروح الحين؟
الا القاه فجأة عصب بسم الله وتغير وجهه وصوته
قال لي ليش نروح! عشان يصيح بالسوق ويفشلنا!
قلت له حبيبي ماراح يصيح توه راضع وبينام!
رجع عصب وقال انتي ماتفهمين!
وجلس يقول كله منك لوشارينها مع اغراض البيبي كان افتكينا..
وطلع برا البيت!!
بعد ساعه رجع وبرضو وجهه منعفس وجلس يشوف مباراه!
قلت له اذا ودك تروح تشوفها مع اخوياك براحتك.. 
قال لو بروح ماشاورتك...!
بعد المباره لبس وطلع..!!! والحين هو برا !!!

بنات ضايق صدري مرررره
الرجال كان متشفق علي ولما شاف ابطي كرهني!
متخيليييين!
وطبعا صعبه اشرح له ان هالشي من الحمل..
لانه ماتكلم ولا سالني عنه..
بس انا اعرفه زيييين من العشره اللي بينا
ومن حركة عيونه ورده فعله..!



بنات قرفانه منه ومن نفسي
وافكر ارجع بيت اهلي اليوم قبل بكرا
لو وحده منكم مكاني وش تسوي؟؟

127 تعليق 162,463 مشاهدة

شاركي في النقاش

سجلي الدخول لإضافة تعليق.

التعليقات

119
  1. @fyroroshyh

    صاحبة الموضوع
    بنات لحد يقول عالجي سواد الابط 
    لاني جالسه اعالجه الحين
    والعلاج يبي له وقت مو بيوم وليله!


    زوجي رجع الحين..
    رمى المفاتيح عالتسريحه وراح للصاله
    وانا جالسه ارضع ولدي بغرفه النوم
    حسبي الله ونعم الوكيل
  2. استغفر الله يعني لو الزوجة تمر بظروف أو لا قدر الله صار لها شي وتشوهة بعيد الشر يعني خلاص يكرها الزوج ليش هى ما أنسان استغفر الله بعض الرجال ناقصين دين الله المستعان والله يكون في عونك
  3. @shrb_aasl

    الله لا يبلااانا
    وش هالزووووج
    معقووله كارهك علشان ابطك ولوونه
    الله يعييينك عليييه

    ارفعي يده وقولي له شوووف ابطك (( اكييد انه ماهو احسسن من ابطك ))
    وقولي له ماكرهتك علشانه ولا عايرتك فيه

    اخيييييييه على هيك رجاله
  4. @amtar_bardh

    اكثر ما كثر الله التفتيح استخدميه ولاصار ابيض يلق ارفعي يدتس وحطيها بعينه الرقيق اللي بس من لون متغير انقلب
    اللي يشوفه يقول هو اللي يلق لق
    المفروض انتس مرته وعارفتس وبعدين ما شاف ولا شم شي يقلبه هالقلبه اسمحيلي ولا تزعلين علي تراه تافه وسطحي
    فلا تعطينه اكبر من حجمه وتفكرين لمجرد ثانيه انتس تتركين بيتس

    كتبت مشاركتي قبل تضيفين الرد الثاني عالعموم الله يفرج همتس ويكبر عقل رجلتس

تابعي تجارب أخرى من هذا القسم.