تقرير مفصل عن غسالة الصحون ويرلبول (*)

تكفون بنات الرياض وين حصلتو الغساله الون الفضي طبعا لانه فيه رشاشات زياده رحت الكترو ما لقيت الا اخروحده ومباعه ورحت للمنيع لقيت وحده ويقول هذي ما تطلع من المعرض لانه تالفه وما عندنا با المستودع ورحت للبسام ما لقيت ورحت اكسترا ما لقيت وش الحل يقولون وكيلها ما عاد نزل منها وسعرها وصل 3450 ودورت بوش اجود منها المانيه اب عن جد بس نفس المشكله مقطوعه من السوق ويارب تساهيلك

حبيبتي انا مثل وضعك
بحثت ودورت على بوش ماحصلت
وشريت ال جي وصار فيها مشكله ورجعتها
وفي الاخير صملت على ويرل بول لكن تضايقت لانها كانت مقطوعه وبعد الذهاب للزقزوق اكثر من مره لحد ما اخذ رقمي موظفهم على اساس تتوفر ويتصل فيني
وبالفعل الله يجزاه خير ماقصر توفرت وحده واتصل فيني وعلى طول رحت واخذتها
حصلتها عند وكيل ويرلبول الزقزوق للاجهزة المنزلية في الرياض شارع خالد بن الوليد حي الحمراء في نفس صفّة ساكو يجيك فرعهم على اليمين
وهذا رقم الموظف الله يجزاه خير اسمه صالح 0593099561
تحياتي

ياليت وحده تساعدني هل ال جي فيها ميزه عن ويرلبول واذافيه ايش هي الميزه؟؟
تكفون ساعدوني محتاااااره مررره وتعبت من البحث ال جي والا ويرلبول ؟

الميزه يا سالمه ان الجي فيها نظام تعقيم اشعه فوق البنفسجيه وفيها نظام البخار فقط والموضف في الكترو يقول اي جهاز تكثر تقنيته يكثر خرابه خليكي في السليم وخوذي الويرلبول اذ لقيتيها او ارستون ام سبع انظمه الجديده حلوه والجي ما انصحك فيها الكل يذمها وغاليه وصلت اربعه الاف وخمس

اختي وينسون الله يوفقك ويسعدك ويفرج همك على ردك ما قصرتي يا الغلا بس بشرينا كيف المحروسه