مسا الخير للجميع
بنات انا تورطت وشريت غساله اتوماتيكيه من هيتاشي فتحه علويه
وندمت لاني شريتها ياليتني جلست ع غسالتي العاديه
كان احسن لي من الزفت اللي جبتها تخيلوا ادخل الملابس وسخه
اطلعها وسخه وهي تعبي ماء لين تمتلي الغساله مع ان ملابسي مو كثيره
واحط علبتين اريل اوتايد. ومايطلع رغوه تدور بطئ
عشر دقايق وتكب الما وتعبي والملابس وسخه.
نفسي اعرف كيف اخليه تطول تغسل وابي احدد الماء بنفسي.
ودوررانها ليش بطي
كل الاتوماتيكيات بطئيات ولا حقتي بس.
بليز اللي عندهه نفس غسالتي تدخل وترد علي
واالي ماتعرف ترفع موضوعي
انتظر الردود الله يسعد اللي ترشدني
ويوفقها دنيا واخره
شاركي في النقاش
سجلي الدخول لإضافة تعليق.
التعليقات
6- حبيبتي عند والدتي مثلها ممتازه وتحددي نظام ومستوى الماء بنفسك وانا عندي اتماتيك فتحه علويه بس دايو اقل جوده من غسالتك احدد نوع الغسيل اقتصادي غالبا ومستوى الماء حسب الملابس احدده كمان وروعه ٢٦ دقيقه وخلاص نظافه وريحه وراحه تبارك الله واستعمل وايت بلس او وطني مسحوق للاتماتيك مو المسوق العادي عشان مايعمل رغوه راجعي كتيب التشغيل افضل
- اذا قصدك ماتغسل يعني توقف بنص الغسيل او ماتدور زين
انا غسالتي كانت كذا اول ماجبتها لان الارض عندي مو مستوية وجبت لها حامل وازنها من تحت وصارت تشتغل مضبوط شيكي عليها - امين الله يوفقنا دنيا واخره وياك يالغلا
انا عندي هيتاشي فتحه علويه ويارب لك الحمد راضيه عنها .. بالنسبه للتنظيف حطي اريل للغسالات الاتوماتيك وحطي كميه معتبره ثلاث اكواب مثلا وكوبين مبيض على حسب حجم الدفعه طبعا
واذا ماتبغينها تعبي ماء لين تمتلي اختاري زر حموله صغيره وبتعبي شوي ماء
ومايطلع رغوه اكيد المويه عسره والغسيل كثير ماسوا الصابون في حجم الغسيل شي
واذا تبغين تزيدين مدة الغسيل اختاري غسيل يدوي زي ماهو مبين بالكتالوج ممكن تزيدين المده حتى 24 دقيقه اكييييد او اكثر كان ماني غلطانه ,, وتقدرين تختارين انها تغسل وتوقف ماتكب الماء وترجعين تغسلين بنفس المويه ماتكبها
انتي راجعي الكتالوج وبتفهمين
انا زيك اول ماشريتها حسيت اني مثل الاطرش بالزفه يوم قريت الكتالوج زين فهمت السالفه
موفقه يالغلا - نفس غسالة عند وحدة من قريباتي تمدحها لي وتقول تمام التمام اقري الكتيب والا اسالي اي احد من قرايبك يجي عندك يشرح لك
- زي ماقالوا البنات
ماازبد على كلامهم شي
انا نوع غسالتي ويرلبول
مواضيع مشابهة
تابعي تجارب أخرى من هذا القسم.