بعد اسبوعين بنكمل سنه بس انا محروووومه منه

أكتب لكم وانا ابكي
يا بنات والله تعبت من حالي
بعدني ما كملت سنه من زواجي وأنا زوجي ألحين صارله 6 أشهر ما يقربلي
ولا يكلمني ولا يسلم علي
والله احترت شو الذنب إ‘لي سويته أنا
ليش يحرمني من أسعد أيام بحياتي
والله أحبه وأتمنى قربه تعبت أتخيله كل يوم يرجعلي
وكل ما يحين الظلام والله ان عيوني ما تنام
كل يوم ع أمل يرجعلي اليوم ولا بكره تعبت أشكي وتعبت من نفسي أحاول أنسى أطلع البحر السوق كل مكان لكن أرجع البيت أتذكر انه ما يريدني أنا
تعبت أرسله رسايل فجواله ولا يرد ولا ف يوم اتصل سأل عني
قلت يمكن مسحور سألت ورحنا عند مشايخ قالولي زوجك سليم ما فيه شي بس تعبان نفسيا طيب من شو تعبان كلمني صارحني أنا بساعدك بس للأسف طول الوقت صااااااامت ما ينطق ولا حرف حتى نسيت صوته
بس أنا بنت أحتاج حنان أحتاج حد يدلعني حد يحسسني إنه ف رجال يحميني رجال يغار علي
أشكي لأمي تبكي أشكي لأمه تبكي ع حال ولدها وأنا اموت قهر واسكت لأني أحبه ما اقدر اعيش بدونه
وهو بنفسه تعبان وحالته حاله كل يوم يضعف أكثر ولا ياكل ما اعرف شو فيه
أنا قلتله بصريح العبارة اذا انت حاب وحده غيري تزوجها انا ما عندي مشكله بس ما يتكلم ساااااااااكت
طيب ليش ما ياكل ليش يبي يذبح عمره
انا قلتله ما ابي منك فلوس ولا شي بس أبيك انت ما يهمني أي شي
بس سكوته يقهرني
والله نفسي اعيش زي غيري احس نفسي بصدق ما متزوجه
وبعد اسبوعين بنكمل سنه ع زواجنا كنت مفتكره ان هاليوم راح يفاجئني بهديه أو انه بنسوي حفله زي خواتي بس للأسف ما تركلي أي مجال ع شو أحتفل بيوم زواجنا ع شو تهنيت أنا اصلا عشان احتفل مر سنه من زواجنا
بس من جد صعب يمر علي هاليوم كأي يوم عادي والله صعبه

يا عالم أحبه والله تعبت وكرهت نفسي
إدعولي وانصحوني شو اسوي