اللي عندها مجفف ملابس مرتاحة عليه تفيدني لاحرمها ربي الأجر

السلام عليكم

حيالله الحوائيات السنعات :27:

انا الحين بسكن شقة جديدة ان شاءالله وجلست اجمع معلومات من مواضيعكم لاحرمكم ربي الجنة :3_3_103:

وقررت اني اشتري مجفف ويرلبول بس عجزززت احصله مدري هو منقطع من السوق ولا وش سالفته :o دورته في المنيع والصندوق الاسود وفريست والحراج وزوجي طفش من الدوران وابغى بدل محتارة مدري وش اشتري

الشي الثاني شريت غسالة اواني اريستون وغسالة توماتيك وماعرف اول شيء وش اسوي اسبكها ولا اسحب لها افياش ووش المكان المناسب لها في المطبخ لاني مستعجله ابي اخلص وافصل مطبخ

وجزاكم الله ألف خير ياجميلات :bkh:

31 تعليق 27,118 مشاهدة

شاركي في النقاش

سجلي الدخول لإضافة تعليق.

التعليقات

31
  1. @ahb_alorod

    الف مبررروك الشقة الجديدة الله يعطيكم خيرها
    اذا عالمجفف عندي ويرلبول ممتاز جدا ماقدر افيدك بغيرة ماجربت
    حبيت ارفع لك الموضوع
  2. @am_ghdy_14

    اول شي إذاجيتي تفصلي المطبخ اسسي مكان لغساله المواعين والنشافه اذا بالمطبخ اسسي لها ترتاحين بنسبه لنوعيه أنا درت مافيه الا ال جي او ارستون او هام. وانا ابي صغيره لقيت بار ستون ًسبعه ونص وشكله بشتريها
  3. @abdaaa_sbry

    عزيزتي ألوان .. انا عندي غسالة ملابس ومجفف جنرال إلكتريك مرررررررررررررررررره ممتتتتتتتتتتتتتتتازه لها معاي عشر سنوات من أحسن ما يمكن ، خذيها ماراح تندمين إن شاء الله
    وبالنسبة للغسالة يبغالها تسليك ماء بارد وماء حار وتصريف ماء باختصار كأنه تسليك مغسلة يد فيها خط بارد وخط حار وتصريف موية ، وإذا ما سويتي تسليك وعندك مغسلة يد ممكن تستغنين عنها وتشيلينها وتحطين مكانها غسالتك .
    أما المجفف فيحتاج إلى جدار خارجي عشان تفتحين له فتحه لتصريف الهواء على الحوش .

    بالنسبة لي أنا حاطتها في المطبخ جنب بعض وشكلهم تحفه أحبهم كثير لأنهم ريحوني ، واتمنى كل وحده من اخواتي بنات حواء يشترون مثلها لأني احب لهم ما احب لنفسي .

    والله يوفقك ويرزقك ما تتمنين ، وإذا شريتي بشرينا .

تابعي تجارب أخرى من هذا القسم.